വടകര: കണ്ടൈന്മെന്റ് സോണിലുള്ള കെഎസ്ആര്ടിസി വടകര ഡിപ്പോയില് സര്വീസ് തുടങ്ങുന്നതിന്റെ ഭാഗമായി ജീവനക്കാരോട് ഹാജരാവാന് അധികൃതര് നിര്ദ്ദേശം നല്കി. താഴെ അങ്ങാടിയിലെ കണ്ടൈന്മെന്റ് സോണിലെ 46 -ാം വാര്ഡിലാണ് കെഎസ്ആര്ടിസി ഡിപ്പോ.
വാഹനങ്ങള് സോണിനകത്തേക്കും പുറത്തേക്കും പോകുന്നതിന് കര്ശന നിയന്ത്രണം ഏര്പ്പെടുത്തിയപ്പോഴാണ് സര്വീസ് തുടങ്ങാന് കെഎസ്ആര്ടിസി ശ്രമം. 50 ജീവനക്കാരോടാണ് ഇവിടെ എത്തിച്ചേരാന് അധികൃതര് പറഞ്ഞത്. കണ്ടൈന്മെന്റ് സോണിലേക്കു പലയിടങ്ങളില് നിന്നും ജീവനക്കാര് എത്തിച്ചേരുന്നത് പ്രശ്നം സൃഷ്ട്ടിക്കും.
കണ്ടൈന്മെന്റ് സോണില് കിടക്കുന്ന ആറ്റിങ്ങല് ഡിപ്പോയില് നിന്നും സര്വീസ് പുരാനാരംഭിക്കുന്നതു നിര്ത്തിവച്ചിരുന്നു.
വാഹനങ്ങളുടെ വരവും പോക്കും നിര്ത്തിവെക്കണമെന്ന് മുഖ്യമന്ത്രിയും പറഞ്ഞിരുന്നു. എന്നാല് ഇതൊക്കെ കാറ്റില് പറത്തിയാണ് ചില ഉദ്യോഗസ്ഥര് സര്വീസ് തുടങ്ങാന് ജീവനക്കാരോട് എത്തിച്ചേരണമെന്ന് ആവശ്യപ്പെട്ടത്.
