കൊല്ലം : സ്വത്ത് തട്ടിയെടുക്കുന്നതിനായാണ് ഉത്രയെ കൊലപ്പെടുത്തിയതെന്ന് റിമാന്‍ഡ് റിപ്പോര്‍ട്ട്. ഗൂഢാലോചനയ്‌ക്ക് ശേഷമാണ് ഭര്‍ത്താവ് സൂരജ് ഉത്രയെ കൊലപ്പെടുത്തിയത്. പാമ്പാട്ടിക്ക് കൊലപാതകത്തില്‍ മുഖ്യപങ്കുണ്ടെന്നും റിപ്പോര്‍ട്ടില്‍ പറയുന്നുണ്ട്.
ഫെബ്രുവരി 12 നാണ് സൂരജ് പാമ്പാട്ടിയായ സുരേഷിനെ പരിചയപ്പെടുന്നത്. തുടര്‍ന്ന് പാമ്പിനെ പിടിക്കുന്നത് ഉള്‍പ്പടെയുള്ള കാര്യങ്ങള്‍ ഫോണിലൂടെ പഠിച്ചു. 17000 രൂപ കൈപറ്റി രണ്ട് പാമ്പുകളെ സുരേഷ് സൂരജിന് വിറ്റെന്നും ആറ് പേജുള്ള റിമാന്‍ഡ് റിപ്പോര്‍ട്ടില്‍ പറയുന്നുണ്ട്. പാമ്പുമായി സുരേഷ് സൂരജിന്റെ വീട്ടില്‍ എത്തിയെന്നും ഉത്ര ഉള്‍പ്പടെയുള്ളവരുടെ മുന്‍പില്‍ വിഷപാമ്പിനെ തുറന്ന് കാണിച്ചു.
അതിനിടെ താന്‍ നിരപരാധിയാണന്ന് രണ്ടാം പ്രതി സുരേഷ് കോടതിയിലും പുറത്തും വിളിച്ച് പറഞ്ഞു. പ്രതികളെ ഇന്ന് അടൂരിലെ സൂരജിന്റെ വീട്ടില്‍ എത്തിച്ച് തെളിവ് എടുപ്പ് നടത്തും. ഉത്രയുടെ സ്വര്‍ണം സൂക്ഷിച്ചിരുന്ന ബാങ്കിലും സൂരജിനെ കൊണ്ട് പോകും. രണ്ട് പേരുടെയും കസ്റ്റഡി കാലാവധി 29 ന് അവസാനിക്കും
ഗൂഢാലോചനയില്‍ പങ്കാളികളാണന്ന് സംശയിക്കുന്ന സുഹൃത്തുകളുടെ പട്ടികയും അന്വേഷണ സംഘം തയ്യാറാക്കിയിടുണ്ട്. ഇതോടൊപ്പം സൂരജിന്റെ അമ്മ, അച്ഛന്‍. സഹോദരി എന്നി എന്നിവരേയും ചോദ്യം ചെയ്യും. അതേസമയം ഉത്രയുടെകനേയും കൊണ്ട് സൂരജിന്റെ അമ്മ വീട്ടില്‍ തിരിച്ചെത്തി. കുഞ്ഞിന്റെ സംരക്ഷണം ആവശ്യപ്പെട്ട് ഉത്രയുടെ വീട്ടുകാര്‍ ശിശുക്ഷേമ സമിതിയെ സമീപിച്ചിരുന്നു. തിങ്കളാഴ്ച ഇതിന് അനുകൂല ഉത്തരവ് വരികയും ചെയ്തിരുന്നു. അതിന് പിന്നാലെ സൂരജിന്റെ അമ്മയേയും ഉത്രയുടെ കുഞ്ഞിനേയും കാണാതാവുകയായിരുന്നു.
എന്നാല്‍ എറണാകുളത്ത് വക്കീലിനെ കാണാന്‍ പോയതാണെന്നാണ് കുടുംബം അറിയിച്ചത്. ബന്ധുവീട്ടിലായിരുന്ന കുട്ടിയെ സൂരജിന്റെ അച്ഛന്‍ അടൂരിലെ വീട്ടില്‍ തിരികെഎത്തിച്ചു. പൊലീസ് സാന്നിധ്യത്തിലാണ് കുഞ്ഞിനെ കൊണ്ടുവന്നത്. ഉത്രയുടെ മാതാപിതാക്കള്‍ അഞ്ചല്‍ പോലീസുമായി എത്തി ഇന്ന് കുഞ്ഞിനെ ഏറ്റുവാങ്ങും.
