ബാലുശ്ശേരി: ബിജെപിയുടെ മുതിര്ന്ന നേതാവും ഭാരതീയ വ്യാപാരി വ്യവസായി സംഘം സംസ്ഥാന ജനറല് സെക്രട്ടറിയുമായിരുന്ന പനങ്ങാട് ചങ്ങരോത്ത് കുന്നുമ്മല് സി.കെ. ബാലകൃഷ്ണന് ആയിരങ്ങളുടെ അന്ത്യാഞ്ജലി. സംസ്ക്കാരം ഇന്നലെ രാവിലെ വീട്ടുവളപ്പില് നടന്നു. ഹൃദയ സ്തംഭനത്തെ തുടര്ന്ന് വെള്ളിയാഴ്ച വൈകീട്ട് മൂന്ന് മണിയോടെ സ്വകാര്യ ആശുപത്രിയിലായിരുന്നു അന്ത്യം.
വീട്ടില് പൊതുദര്ശനത്തിനു വെച്ച ഭൗതികദേഹത്തില് ആദരാഞ്ജലി അര്പ്പിക്കാന് ലോക്ഡൗണ് നിയമങ്ങള് പാലിച്ചുകൊണ്ട് നിരവധി പേരാണ് എത്തിയത്.
ഭൗതിക ദേഹത്തില് നേതാക്കളും പ്രവര്ത്തകരും ചേര്ന്ന് പാര്ട്ടി പതാക പുതപ്പിച്ചു. പുരുഷന് കടലുണ്ടി എംഎല്എ, ബിജെപി സംസ്ഥാന പ്രസിഡന്റ് കെ. സുരേന്ദ്രന്, വൈസ് പ്രസിഡന്റ് വി.വി. രാജന്, സെക്രട്ടറിമാരായ കെ.രഞ്ജിത്ത്, അഡ്വ. കെ.പി. പ്രകാശ് ബാബു, ഉത്തരമേഖല പ്രസിഡന്റ് ടി.പി. ജയചന്ദ്രന്, വൈസ് പ്രസിഡന്റ് ടി.വി. ഉണ്ണികൃഷണന്, ജനറല് സെക്രട്ടറി പി. ജിജേന്ദ്രന്, സെക്രട്ടറിമാരായ എന്.പി. രാമദാസ്, സുഗീഷ് കൂട്ടാലിട, കെ.പി. അരുണ്, ജില്ലാ പ്രസിഡന്റ് വി.കെ.സജീവന്, ജനറല് സെക്രട്ടറിമാരായ എം.മോഹനന്, ടി. ബാലസോമന്, വൈസ് പ്രസിഡന്റുമാരായ എം.സി.ശശീന്ദ്രന്, അഡ്വ. കെ.വി.സുധീര്, ടി. ദേവദാസ്, സെക്രട്ടറി ചക്രായുധന്, രാജീവന്, യുവമോര്ച്ച സംസ്ഥാന പ്രസിഡന്റ് പ്രഫുല് കൃഷ്ണന്, ജില്ലാ പ്രസിഡന്റ് രനീഷ്, മഹിളാ മോര്ച്ച സംസ്ഥാന വൈസ് പ്രസിഡന്റ് ഷൈനി ജോഷി, എസ്ടി മോര്ച്ച സംസ്ഥാന സെക്രട്ടറി സുമിത്രന്, , പനങ്ങാട് ഗ്രാമപഞ്ചായത്ത് പ്രസിഡന്റ് വി.എം. കമലാക്ഷി, വൈസ് പ്രസിഡന്റ് ഉസ്മാന് തുടങ്ങി നിരവധി പേര് ആദരാഞ്ജലി അര്പ്പിക്കാനെത്തിയിരുന്നു. മിസോറാം ഗവര്ണര് അഡ്വ. പി.എസ്. ശ്രീധരന് പിള്ളക്കുവേണ്ടി ബിജെപി സംസ്ഥാന സമിതി അംഗം ശ്യാമപ്രസാദ് പി.എം. പുഷ്പചക്രം സമര്പ്പിച്ചു.സി.കെ.ബാലകൃഷ്ണന്റെ നിര്യാണത്തില് ബിജെപി ബാലുശ്ശേരി നിയോജക മണ്ഡലം കമ്മിറ്റി അനുശോചിച്ചു. നിയോജക മണ്ഡലം പ്രസിഡന്റ് ബബീഷ് ഉണ്ണികുളം അധ്യക്ഷനായി. സംസ്ഥാന പ്രസിഡന്റ് കെ.സുരേന്ദ്രനടക്കം നേതാക്കള് പങ്കെടുത്തു. സി.കെ. ബാലകൃഷ്ണന്റെ നിര്യാണത്തില് കോട്ടൂര് പഞ്ചായത്ത് സര്വകക്ഷി യോഗം അനുശോചനം രേഖപ്പെടുത്തി.
