കോഴിക്കോട്: കൊറോണയുടെ മറവിലുള്ള കെഎസ്ഇബിയുടെ പകല്‍കൊള്ള അവസാനിപ്പിക്കുക, അപ്രഖ്യാപിത വൈദ്യുതി ചാര്‍ജ് വര്‍ദ്ധനവ് ഉടന്‍ പിന്‍വലിക്കുക എന്നീ ആവശ്യങ്ങള്‍ ഉന്നയിച്ച് ബിജെപിയുടെ നേതൃത്വത്തില്‍ ജില്ലയുടെ വിവിധ കേന്ദ്രങ്ങളില്‍ കെഎസ്ഇബി ഓഫീസുകള്‍ക്ക് മുമ്പില്‍ പ്രതിഷേധം സംഘടിപ്പിച്ചു.
ബിജെപി കോഴിക്കോട് സൗത്ത് മണ്ഡലം കമ്മറ്റി ആഴ്ചവട്ടം കെഎസ്ഇബി ഓഫീസിന് മുന്നില്‍ നടത്തിയ ധര്‍ണ ബിജെപി സംസ്ഥാന സെക്രട്ടറി പി. രഘുനാഥ് ഉദ്ഘാടനം ചെയ്തു. മണ്ഡലം പ്രസിഡണ്ട് സി.പി. വിജയകൃഷ്ണന്‍ അദ്ധ്യക്ഷനായി. ജില്ലാ വൈസ് പ്രസിഡണ്ട് ബി.കെ. പ്രേമന്‍, സി.പി. മണികണ്ഠന്‍, സി. സനൂപ് എന്നിവര്‍ സംസാരിച്ചു.
ബിജെപി കോഴിക്കോട് നോര്‍ത്ത് മണ്ഡലം കമ്മറ്റി വെള്ളയില്‍ വൈദ്യുതിഭവനു മുന്നില്‍ നടത്തിയ പ്രതിഷേധം ജില്ലാ ജനറല്‍ സെക്രട്ടറി എം. മോഹനന്‍ ഉദ്ഘാടനം ചെയ്തു. മണ്ഡലം പ്രസിഡണ്ട് കെ. ഷൈബു അദ്ധ്യക്ഷനായി. ജില്ല സെല്‍ കോ-ഓര്‍ഡിനേറ്റര്‍ പ്രശോഭ് കോട്ടൂളി മുഖ്യപ്രഭാഷണം നടത്തി. പി. രജിത്ത് കുമാര്‍, വിജിത് കുമാര്‍, ടി. മണി, എന്‍.പി. സിദ്ധാര്‍ത്ഥന്‍, എം. സംഗീത് തുടങ്ങിയവര്‍ നേതൃത്വം നല്‍കി. മണ്ഡലത്തിലെ ഏഴ് വൈദ്യുതി ഓഫീസിന് മുന്നിലും പ്രതിഷേധം നടത്തി. പി. പീതാംബരന്‍, പി.എം. ശ്യാം പ്രസാദ്, എം. രാജീവ് കുമാര്‍, ഇ. പ്രശാന്ത് കുമാര്‍, നവ്യ ഹരിദാസ്, ജിഷ ഗിരിഷ്, ടി. റനീഷ് എന്നിവര്‍ വിവിധ കേന്ദ്രങ്ങളില്‍ ഉദ്ഘാടനം ചെയ്തു.
ബിജെപി ബേപ്പൂര്‍ മണ്ഡലം കമ്മറ്റി ചെറുവണ്ണൂര്‍ കെഎസ്ഇബി ഓഫീസിന് മുന്നില്‍ പ്രതീകാത്മക പ്രതിഷേധ ധര്‍ണ നടത്തി. വര്‍ദ്ധിപ്പിച്ച ഇലക്ട്രിസിറ്റി ബില്‍ കത്തിച്ചു. ജില്ലാ സെല്‍ കോ-ഓര്‍ഡിനേറ്റര്‍ പ്രശോഭ് കോട്ടൂളി ഉദ്ഘാടനം ചെയ്തു. ഷിനു പിണ്ണാണത്ത് അദ്ധ്യക്ഷനായി. കടലുണ്ടിയില്‍ ഒബിസി മോര്‍ച്ച ജില്ലാ പ്രസിഡന്റ് നാരങ്ങയില്‍ ശശിധരന്‍ ഉദ്ഘാടനം ചെയ്തു.
കെഎസ്ഇബി കുന്ദമംഗലം സെക്ഷന്‍ ഓഫീസിന് മുമ്പില്‍ നടത്തിയ പ്രതിഷേധം സംസ്ഥാന സമിതിയംഗം ടി.പി. സുരേഷും ചാത്തമംഗലത്ത് കുന്ദമംഗലം മണ്ഡലം പ്രസിഡന്റ് കെ. നിത്യാനന്ദനും കുറ്റിക്കാട്ടൂരില്‍ മണ്ഡലം വൈസ് പ്രസിഡണ്ട് പുഷ്പാകരനും ചേളന്നൂര്‍ എട്ടേരണ്ടില്‍ എലത്തൂര്‍ മണ്ഡലം പ്രസിഡന്റ് സി.പി. സതീഷും പ്രതിഷേധം ഉദ്ഘാടനം ചെയ്തു.
പേരാമ്പ്രയില്‍ മണ്ഡലം പ്രസിഡണ്ട് വി.സി. ബിനീഷും ആയഞ്ചേരിയില്‍ ബിജെപി സംസ്ഥാനസമിതി അംഗം രാമദാസ് മണലേരിയും കുറുന്തോടിയില്‍ മണ്ഡലം പ്രസിഡന്റ് എം.കെ. രജീഷും ഉദ്ഘാടനം ചെയ്തു.
വടകര സൗത്ത് കെഎസ്ഇബി ഓഫീസിനു മുന്നില്‍ ജില്ലാ വൈസ് പ്രസിഡന്റ് വിജയ ലഷ്മിയും പുത്തൂരില്‍ കര്‍ഷകമോര്‍ച്ച ജില്ലാ പ്രസിഡന്റ് പി.പി. മുരളിയും ഉദ്ഘാടനം ചെയ്തു. പുതുപ്പാടി, മുക്കം, കൊടിയത്തൂര്‍ കെഎസ്ഇബി ഓഫീസുകള്‍ക്കു മുമ്പില്‍ പ്രതിഷേധിച്ചു. ടി.പി. അനന്തനാരായണന്‍, സി.ടി. ജയപ്രകാശ്, സി. സുന്ദരന്‍ എന്നിവര്‍ നേതൃത്വം നല്‍കി
കുറ്റ്യാടി കെഎസ്ഇബി ഓഫീസിന് മുന്നില്‍ നടത്തിയ പ്രതിഷേധം മണ്ഡലം ജനറല്‍ സെക്രട്ടറി ഒ.പി. മഹേഷും കെഎസ്ഇബി കല്ലാച്ചി ഓഫീസിനു മുമ്പില്‍ നടന്ന പ്രതിഷേധം ബിജെപി മേഖലാ ഉപാധ്യക്ഷന്‍ ടി.കെ. പ്രഭാകരനും അത്തോളിയില്‍ ബാലുശ്ശേരി മണ്ഡലം ജനറല്‍ സെക്രട്ടറി ആര്‍.എം. കുമാരനും ഉദ്ഘാടനം ചെയ്തു.അരിക്കുളത്ത് ജില്ലാകമ്മിറ്റി അംഗം പ്രദീപന്‍ കണ്ണമ്പത്ത് ഉദ്ഘാടനം ചെയ്തു.
