കാസര്കോട്: കാസര്കോടിന് ഇത് ആശ്വാസത്തിന്റെ രണ്ടാം ദിനം. ഇന്നലെയും ജില്ലയില് പുതിയതായി ആര്ക്കും കോവിഡ് 19 സ്ഥിരീകരിച്ചിട്ടില്ല. നിലവില് ജില്ലയില് ഏഴ് പോസിറ്റീവ് കേസുകളാണ് ഉള്ളത്. 1764 പേരാണ് നിരീക്ഷണത്തിലുള്ളത്. ഇതില് വീടുകളില് 1734 പേരും ആശുപത്രികളില് 30 പേരുമാണ് നിരീക്ഷണത്തില് കഴിയുന്നത്.
തുടര് സാമ്പിള് ഉള്പ്പെടെ 4663സാമ്പിളുകളാണ് പരിശോധനയ്ക്ക് ആകെ അയച്ചത്. ഇതില് 3815 സാമ്പിളുകളുടെപരിശോധന ഫലം നെഗറ്റീവാണ്. 510 സാമ്പിളുകളുടെ പരിശോധന ഫലം ലഭിക്കാനുണ്ട്. പുതിയതായി എട്ട് പേരെ ഐസൊലേഷന് വാര്ഡില് പ്രവേശിപ്പിച്ചു.
നിരീക്ഷണത്തിലുള്ള 210 പേര് നിരീക്ഷണകാലയളവ് പൂര്ത്തീകരിച്ചു. കാസര്കോട് ഇതുവരെ രോഗബാധ സ്ഥിരീകരിച്ച 171പേരാണ് രോഗവിമുക്തരായിരിക്കുന്നത്. ജില്ലയിലെ കൊറോണ രോഗ ബാധിതരുടെ റിക്കവറി റേറ്റ് 95.5% ആണ്.
