മലപ്പുറം: സംസ്ഥാനത്ത് കോവിഡ് ചികിത്സയിലായിരുന്നയാള് മരിച്ചു. മലപ്പുറം കീഴാറ്റൂര് നെച്ചിത്തടത്തില് വീരാന് കുട്ടി (85) ആണ് മരിച്ചത്. അവസാനം നടത്തിയ കൊവിഡ് പരിശോധനയില് നെഗറ്റീവ് ആയിരുന്നു.
കഴിഞ്ഞ രണ്ട് ദിവസമായി ഇയാള് ഗുരുതരാവസ്ഥയിലായിരുന്നു. ഹൃദയസ്തംഭനമാണ് മരണകാരണമെന്ന് മെഡിക്കല് ഓഫീസര് അറിയിച്ചു.
മഞ്ചേരി മെഡിക്കല് കോളേജില് നിരീക്ഷണത്തില് കഴിയവേ ആണ് മരണം. ഇയാള്ക്ക് മറ്റ് രോഗങ്ങള് ഉണ്ടായിരുന്നുവെന്ന് ഡോക്ടര്മാര് പറയുന്നു. ഇയാളുടെ ഒരു പരിശോധന ഫലം കൂടി വരാനുണ്ടായിരുന്നു.
മരിച്ച വ്യക്തിക്ക് ഏറെക്കാലമായി ഹൃദയസംബന്ധമായ അസുഖങ്ങള് ഉണ്ടായിരുന്നതായി ബന്ധുക്കള് പറയുന്നു. അവസാന രണ്ട് ടെസ്റ്റുകള് നെഗറ്റീവ് ആയതിനെ തുടര്ന്ന് മൂന്നാമത്തെ ടെസ്റ്റ് ഫലത്തിനായി കാത്തിരിക്കുകയായിരുന്നു.
