ന്യൂയോര്ക്ക്: കൊറോണയുടെ പേരില് ലോകത്താകമാനം ആരാധനാലയങ്ങള് അടച്ചിടുകയാണ്. ഒളിഞ്ഞു പാത്തും ആരാധനാലയങ്ങളില് ഒത്തു ചേരുന്നവരെ പോലീസ് ഓടിക്കുകയും ചെയ്യുന്നു. ഈശ്വരവിശ്വാസികളെ കളിയാക്കാനും അവസരം ഉപയോഗിക്കുന്നവരുണ്ട്. മഹാമേരി വന്നപ്പോള് ദൈവം എവിടെ എന്നാണ് ചോദ്യം. വിശ്വാസികള്ക്ക് വിശ്വാസം ഉറപ്പിക്കാനൊരു വാര്ത്ത. അതും കൊറോണ കൂടുതല് ഭീതി വിതയ്ക്കുന്ന അമേരിക്കയില് നിന്നും. ബൈബിള് വില്പനയില് സര്വകല റെക്കോര്ഡാണ് കഴിഞ്ഞ മാസം ഉണ്ടായത്.
കോവിഡിനെ കുറിച്ചുള്ള ഭയാശങ്കകള് മനഷ്യരെ ദൈവവുമായി അടുപ്പിക്കുന്നുവെന്നതിന്റെ വ്യക്തമായ തെളിവാണിത്. ശാസ്ത്രത്തേക്കാള് ജനം വിശ്വസിക്കുന്നത് ദൈവത്തെ എന്നതിന് മറ്റൊരു തെളിവ്. രോഗം പടര്ന്നു തുടങ്ങിയപ്പോള് പ്രസിഡന്റ് പറഞ്ഞതും ഈശ്വരനോട് പ്രാര്ത്ഥ്ിക്കുക എന്നായിരുന്നു.
ഫെബ്രുവരി മാസത്തേക്കാള് മാര്ച്ചില് 77 ശതമാനമാണ് ബൈബിള് വില്പനയില് വര്ദ്ധനവ് ഉണ്ടായിരിക്കുന്നതെന്ന് ടിന് ഡെയ്ല് ബൈബിള് കമ്യൂണിക്കേഷന് ഡയറക്ടര് ജിം ജ്വല് പറഞ്ഞു.
ആവശ്യക്കാര്ക്ക് ബൈബിള് വിതരണം ചെയ്യുന്നതിനുള്ള പ്രായോഗിക ബുദ്ധിമുട്ടുകളാണ് ഞങ്ങളെ കൂടുതല് അസ്വസ്ഥരാക്കുന്നത്. ജിം ജ്വല് പറഞ്ഞു
ഗ്രൂപ്പ് പഠനത്തിന് ഉപയോഗിക്കുന്ന ഇമേഴ്സ് ബൈബിള് കഴിഞ്ഞ വര്ഷം മാര്ച്ചിലേതിനേക്കാള് 44 ശതമാനം വര്ദ്ധനവാണ് ഈ വര്ഷം മാര്ച്ച് മാസം നടന്നിട്ടുള്ളത്.
ബൈബിള് വില്ക്കുന്ന കാലിഫോര്ണിയ ലോസ്ആഞ്ചല്സിലെ അലബാസ്റ്റര് കമ്പനിയുടെ വില്പന കഴിഞ്ഞ വര്ഷത്തെക്കാള് 143 ശതമാനം വര്ദ്ധിച്ചിട്ടുണ്ട്.
മാനവചരിത്രം നേരിടുന്ന അതിഭീകരമായ സാഹചര്യത്തെ അതിജീവിക്കുന്നതിനും പഴയ കാലം വീണ്ടെടുക്കുന്നതിനും ജനങ്ങള് പ്രതീക്ഷയോടെ നോക്കുന്നത് ബൈബിളിലേക്കാണെന്ന് അലബസ്റ്റര് കമ്പനി കൊ .ഫൗണ്ടര് ബ്രയാന് ചങ് അഭിപ്രായപ്പെട്ടു.പ്രതിസന്ധി ഘട്ടത്തില് നമ്മെ ഏകരായി വിടുവാന് ദൈവം അനുവദിക്കയില്ല. അവന് എപ്പോഴും നമ്മോടുകൂടെ ഉണ്ടാകും. ബ്രയാന് പറഞ്ഞു.
അമേരിക്കയില് വിശ്വാസികള് കുറയുകയും പള്ളികള് അടച്ചിടുകയോ മറിച്ചു വില്ക്കുകയോ ചെയ്തുകൊണ്ടിരിക്കുകയായിരുന്നു. അതിനൊരു മാറ്റം കൊറോണ കൊണ്ടു വന്നു എന്നാണ് മതവിശ്വാസികല് പറയുന്നത്.
