കൊച്ചി: ലോക്ഡൗണ്‍ ലംഘിച്ച് പള്ളിയില്‍ പ്രാര്‍ത്ഥന നടത്തിയതായി പരാതി. പുത്തന്‍കുരിശ് കക്കാട്ടുപാറ സെന്റ് മേരീസ് യാക്കോബായ പള്ളി യില്‍ ഇന്ന് പുലര്‍ച്ചെ അഞ്ചരയ്‌ക്ക് പ്രാര്‍ത്ഥന നടത്തിയതായാണ് പരാതി. ഇതിനെ തുടര്‍ന്ന് പള്ളി വികാരി ഉള്‍പ്പെടെ ആറ് പേര്‍ക്കെതിരെ പോലീസ് കേസെടുത്തു.
കൊറോണ ജാഗ്രതയുടേയും മുന്‍കരുതലിന്റേയും പശ്ചാത്തലത്തില്‍ ആളുകൂടുന്ന ചടങ്ങുകളും പ്രാര്‍ത്ഥനകളും ഒഴിവാക്കണമെന്നാണ് സര്‍ക്കാരിന്റെ നിര്‍ദ്ദേശം. മതനേതാക്കളുമായുള്ള കൂടിക്കാഴ്ചയില്‍ ജില്ലാ ഭരണ കൂടം ഇത് ആവര്‍ത്തിച്ച് ആവശ്യപ്പെടുകയും അവരെല്ലാം അനുകൂലമായി പ്രതികരിക്കുകയും ചെയ്തിരുന്നു.
കോവിഡ് ഇത്രയും വ്യാപകമാകുന്ന സാഹത്തില്‍ നിര്‍ദ്ദേശങ്ങളെല്ലാം അവഗണിച്ച പള്ളി അധികൃതര്‍ക്കെതിരെയാണ് നടപടി. സാഹചര്യം മനസ്സിലാക്കി ഇത്തരത്തില്‍ ഒന്ന് ആവര്‍ത്തിക്കരുതെന്നും ആവശ്യപ്പെട്ടിട്ടുണ്ട്.
