പ്രണവദേഹമാണ് ഈശ്വര ദേഹം. നാമജപത്തിലൂടെ സ്വാംശീകരിക്കുന്ന ദിവ്യ ചൈതന്യത്താല് മനുഷ്യശരീരത്തെയും പ്രണവദേഹമാക്കി മാറ്റാം. ആ ദിവ്യചൈതന്യം സൃഷ്ടിക്കുന്ന കവചത്തിനുള്ളില് ഓരോ മനുഷ്യനും സുരക്ഷിതനാണ്. രോഗത്തിനോ രോഗാണുക്കള്ക്കോ അതു ഭേദിച്ച് ശരീരത്തിനകത്തു കടക്കാനും നശിപ്പിക്കാനും കഴിയില്ല. യുഗങ്ങളായി ഭാരതീയ ഋഷി പരമ്പര അനുഷ്ഠിച്ചു വന്ന സനാതനധര്മത്തിലൂന്നിയ ജീവിതചര്യകൂടിയാണിത്.
ജനനമരണമെന്ന സത്യങ്ങള്ക്കിടയിലെ മഹാസത്യമാണ് ജീവനും ജീവിതവും. ജീവന്റെ രക്ഷയ്ക്കായ് ജീവജാലങ്ങളെ രക്ഷിച്ചു പോരുന്നത് ജീവന്( ഈശ്വരന്) തന്നെയാണ്. ജീവിതം എപ്പോഴും സംശുദ്ധമായിരിക്കണം. ദിവ്യചൈതന്യമൊരുക്കുന്ന കവചത്തിനുള്ളില് പ്രവേശിക്കാന് അത് അനിവാര്യമാകുന്നു.
സത്യത്തില് നിന്നാണ് ബ്രഹ്മത്തിന്റെ ആവിര്ഭാവം. ബ്രഹ്മത്തില് നിന്ന് സ്വയംഭൂവായതാണ് ശ്രീപരമേശ്വരനും ശക്തിസ്വരൂപിണിയായ ദേവിയും. അയോനിജരായ ഈ ദേവതകളുടെ മന്ത്രം ( ഓം നമഃശിവായ…, ഓംശക്തി ഓംശക്തി ഓംശക്തിഓം, ആദിശക്തി മഹാശക്തി പരാശക്തി ഓം… തുടങ്ങിയവ) ജപിക്കുക. ശിവശക്തി പ്രീതിയാലുള്ള അനുഗ്രഹവര്ഷം അനുഭവിച്ചറിയാം. അതിനാല് നേടാന് കഴിയാത്തതായി ഈ ഭൂമുഖത്ത് ഒന്നുമില്ല. കൊറോണ പോലുള്ള മഹാമാരികള് ഇനിയുമെത്താനുള്ള സാധ്യത കൂടുതലാണ്. അങ്ങനെയെങ്കില് നമുക്ക് ആവശ്യം അതിനുള്ള ശാശ്വത പരിഹാരമാകുന്നു.
സത്യം, നീതി, ധര്മം സ്നേഹം ഇവയാണ് സനാതനധര്മത്തിന്റെ കാതല്. ഈ പാതയിലൂടെ നടന്ന് ഇൗശ്വരനില് എത്തിച്ചേരുക. സ്വയം രക്ഷ അഥവാ ആത്മരക്ഷയാണ് മനുഷ്യന് ആവശ്യം. ഓരോ ജീവനിലും കുടികൊള്ളുന്ന ഈശ്വരചൈതന്യത്തെ വളര്ത്തിയെടുത്താല് ആത്മരക്ഷ അര്ഥവത്താകുന്നു. ആദ്യം മനസ്സിനെ ശുദ്ധീകരിക്കുക. എങ്കിലേ ഇൗശ്വരകടാക്ഷം ലഭിക്കൂ. എങ്കില് മാത്രമേ ജീവനെ രക്ഷിച്ച് ശാന്തിയും സമാധാനവും നിറഞ്ഞ ജീവിതം അറിയാനാകൂ. അതിന് പണച്ചെലവില്ല. ഇൗശ്വരാനുഗ്രഹം കൊണ്ടുമാത്രമേ ആത്മബലം നേടാനാവൂ.
യോഗി
ശ്രീ അവധൂതമിഷന്
