വർക്കല പാപനാശത്ത് വൻ തീപിടുത്തം, ഒരു റിസോർട്ടും നാലു കടകളും പൂർത്തമായും കത്തി നശിച്ചു

തിരുവനന്തപുരം: വർക്കല പാപനാശം ബ്ലാക് ബീച്ചിന് സമീപം വൻ തീപിടുത്തം. ‘ഒരു റെസ്റ്റാറന്റും നാലു കടകളും പൂർണമായും കത്തിനശിച്ചു. കോടികളുടെ നഷ്ടമുണ്ടെന്ന് കരുതുന്നു. വർക്കല ഫയർഫോഴ്സിന്റെ സമയോചിതമായ ഇടപെടലിലൂടെ വൻ അപകടവും, ജീവാപകടവും ഒഴിവായി.  

പുലർച്ചെ മൂന്ന് മണിക്കാണ് അപകടം ഉണ്ടായതെന്ന് കരുതുന്നു. 4.30 ഓടെ പൂർണമായും തീ നിയന്ത്രണ വിധേയമായി. ‘ആറ്റിങ്ങൽ നിന്നും മൂന്ന് ഫയർഫോഴ്സ് വാഹനവും, പരവൂരിൽ നിന്നും രണ്ടും വാഹനങ്ങൾ എത്തി. കൂടാതെ ബീച്ചിന് സമീപത്തെ റിസോട്ടിലെ സിമ്മിംഗ് പൂളിലെ ജലവും തീ കെടുത്താൻ വേണ്ടി ഉപയോഗിച്ചു.

ബ്ലാക്ക് ബീച്ചിന് സമീപം ധാരാളം റിസോർട്ടുകളും കടകളും സ്ഥിതി ചെയ്യുന്നുണ്ട്.