തിരുവനന്തപുരം: കെ. സുരേന്ദ്രനെ ബിജെപി സംസ്ഥാന അധ്യക്ഷനാക്കിയതു ദേശീയ നേതൃത്വത്തിന്റെ കളം അറിഞ്ഞുള്ള കളിയെന്ന് പ്രതികരിച്ച് യൂത്ത് കോണ്ഗ്രസ് നേതാവും കോണ്ഗ്രസ് എക്സിക്യൂട്ടിവ് കമ്മിറ്റി അംഗവുമായ വിനോദ് കൃഷ്ണ. ഫേസ്ബുക്ക് പോസ്റ്റിലൂടെയാണ് അദ്ദേഹത്തിന്റെ പ്രതികരണം. നിങ്ങള് വി.മുരളീധരന് എന്ന ബിജെപി മുന് സംസ്ഥാന പ്രസിഡന്റിനെ മറക്കരുത്. മുരളീധരന്റെ കാലത്താണ് ബിജെപി കേരളത്തില് വോട്ട് വിഹിതം വര്ദ്ധിപ്പിച്ചത് എന്ന കാര്യം മറന്ന് പോകരുത്. നമ്മള് ട്രോളവസാനിപ്പിച്ച് പാര്ട്ടി അടിത്തറ വിപുലപ്പെടുത്താന് ശ്രദ്ധിക്കണം. മുന്നോക്ക വോട്ട് ബി ജെ പി അവരുടെ പെട്ടിയില് ഉറപ്പിച്ച് കഴിഞ്ഞു. ഇനി പിന്നോക്ക വോട്ടാണ് ലക്ഷ്യമെന്നും വിനോദ് കൃഷ്ണ.
പോസ്റ്റിന്റെ പൂര്ണരൂപം- പുതിയ ബിജെപി സംസ്ഥാന പ്രസിഡന്റ് കെ. സുരേന്ദ്രനെ ട്രോളി ആത്മനിര്വൃതി അടയുന്ന പ്രിയപ്പെട്ട സുഹൃത്തുക്കളെ നിങ്ങള് ഒരു കാര്യം ഓര്ക്കണം. ബിജെപി ദേശീയ നേതൃത്വം കളം അറിഞ്ഞ് കളി തുടങ്ങിയിരിക്കുന്നു എന്ന് വേണം മനസ്സിലാക്കുവാന് സംസ്ഥാന ഗവര്ണ്ണര് ആയി ആരിഫ് മുഹമ്മദ് ഖാന്, ചെറുപ്പക്കാരനായ ബിജെപി സംസ്ഥാന അധ്യക്ഷന് രണ്ട് പേരും പിന്നോക്ക വിഭാഗത്തില് നിന്നും വരുന്നവര്, നിങ്ങള് വി. മുരളീധരന് എന്ന ബി ജെ പി മുന് സംസ്ഥാന പ്രസിഡന്റിനെ മറക്കരുത് മുരളീധരന്റെ കാലത്താണ് ബി ജെ പി കേരളത്തില് വോട്ട് വിഹിതം വര്ദ്ധിപ്പിച്ചത് എന്ന കാര്യം മറന്ന് പോകരുത് ,നമ്മള് ട്രോളവസാനിപ്പിച്ച് പാര്ട്ടി അടിത്തറ വിപുലപ്പെടുത്താന് ശ്രദ്ധിക്കണം. മുന്നോക്ക വോട്ട് ബി ജെ പി അവരുടെ പെട്ടിയില് ഉറപ്പിച്ച് കഴിഞ്ഞു. ഇനി പിന്നോക്ക വോട്ടാണ് ലക്ഷ്യം… അതിനാല് ട്രോളുകള്ക്ക് വിടപറഞ്ഞു തുടങ്ങൂ… കരുതലോടെ പ്രവര്ത്തിക്കൂ….
