ലാഹോര്: ഏഷ്യാ കപ്പിനായി ഇന്ത്യന് ടീം പാക്കിസ്ഥാനില് വന്നില്ലെങ്കില് ഇന്ത്യയില് നടക്കുന്ന ലോകകപ്പ് ബഹിഷ്കരിക്കുമെന്ന വെല്ലുവിളിയുമായി പാക്ക് ക്രിക്കറ്റ് ബോര്ഡ് സിഇഒ വസിം ഖാന്. സെപ്റ്റംബറിലാണ് പാക്കിസ്ഥാനില് ഏഷ്യാ കപ്പ് നടക്കുന്നത്. ലാഹോറില് മാധ്യമങ്ങളോട് സംസാരിക്കുകയായിരുന്നു വസിം ഖാന്. രാഷ്ട്രീയ, നയതന്ത്ര ബന്ധം വഷളായതിനെ തുടര്ന്ന് 2008 മുതല് ഇന്ത്യ പാകിസ്താന് മണ്ണില് കളിച്ചിട്ടില്ല. അതിനു ശേഷം ഐ.സി.സി ടൂര്ണമെന്റുകളില് മാത്രമാണ് ഇരു ടീമുകളും തമ്മില് ഏറ്റുമുട്ടിയിട്ടുള്ളത്.
അതേസമയം ബംഗ്ലാദേശ് തങ്ങളുടെ ടീമിനെ പാകിസ്താനിലേക്ക് പരമ്പരയ്ക്കായി അയച്ചതിന് പ്രത്യുപകാരമായി ഏഷ്യാ കപ്പിന്റെ നടത്തിപ്പാവകാശം ബംഗ്ലാദേശ് ക്രിക്കറ്റ് ബോര്ഡിന് വിട്ടുകൊടുത്തെന്ന ആരോപണങ്ങള് തെറ്റാണെന്ന് പി.സി.ബിയിലെ ഒരു മുതിര്ന്ന അംഗം വ്യക്തമാക്കി. ഏഷ്യാ കപ്പിന്റെ നടത്തിപ്പാവകാശം ഏഷ്യന് ക്രിക്കറ്റ് കൗണ്സിലാണ് പി.സി.ബിക്ക് നല്കിയിരിക്കുന്നത്. അത് അങ്ങനെ ആര്ക്കും കൈമാറാന് സാധിക്കുന്നതല്ലെന്നും അദ്ദേഹം കൂട്ടിച്ചേര്ത്തു.
