പ്രശസ്ത നടന് ദിലീപിന്റെ സഹോദരന് അനൂപ് ആദ്യമായി സംവിധാനം ചെയ്യുന്ന ‘തട്ടാശ്ശേരി കൂട്ടം’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസായി. ഗ്രാന്റ് പ്രൊഡക്ഷന്സിന്റെ ബാനറില് ദിലീപ് നിര്മ്മിക്കുന്ന ഈ ചിത്രത്തില് അര്ജുന് അശോകന് കേന്ദ്ര കഥാപാത്രത്തെ അവതരിപ്പിക്കുന്നു.
ഗണപതി, അനീഷ്, അല്ലു അപ്പു, സിദ്ധിഖ്, വിജയരാഘവന്, കോട്ടയം പ്രദീപ്, പ്രിയംവദ, ശ്രീലക്ഷമി, ഷൈനി സാറ തുടങ്ങിയ പ്രമുഖ താരങ്ങള്ക്കൊപ്പം പുതുമുഖങ്ങളും ഈ ചിത്രത്തില് അഭിനയിക്കുന്നു. സന്തോഷ് ഏച്ചിക്കാനം തിരക്കഥ-സംഭാഷണമെഴുതുന്നു. ജിതിന് സ്റ്റാന്സിലോവ്സ് ഛായാഗ്രഹണം നിര്വ്വഹിക്കുന്നു. രാജീവ് നായര്, സഖി എല്സ എന്നിവരുടെ വരികള്ക്ക് ശരത്ത് ചന്ദ്രന് സംഗീതം പകരുന്നു. എഡിറ്റിങ് -സാജന്.
