ആയിരം മീറ്റര് വരെ ഉയരമുള്ള മലകളില് നിത്യഹരിത വനങ്ങളില് കണ്ടുവരുന്നതാണ് മൂട്ടിപ്പഴം. മൂട്ടിക്കായ്പന്, മൂട്ടിത്തൂറി എന്നീ പേരുകളില് അറിയപ്പെടുന്ന ചെറിയ മരം. ബക്കൗറിയ കോര്ട്ടലൈന്സിസ് (ആമരരമൗൃല രീൗൃമേഹലിശെ)െ എന്നതാണ് ശാസ്ത്രനാമം. ഇതു പൂത്തുനില്ക്കുമ്പോള് പെട്ടെന്ന് തിരിച്ചറിയാം. തടി നിറയെ ചുവന്ന മുഴകള് പോലെ പൂക്കള്. പൂക്കള് കൊമ്പിലല്ല താഴ്ത്തടിയില് തന്നെയാണ്. മണ്ണ് നിരപ്പു മുതല് താഴ്ത്തടിയുടെ മുകളറ്റം വരെ പറ്റിപ്പിടിച്ച് കുലകുലയായി പൂക്കളും പിന്നീട് കായ്കളുമായി കാണുന്ന കാഴ്ച വളരെ ആകര്ഷകമാണ്.
ഫെബ്രുവരിയില് പൂക്കാലം തുടങ്ങും. ആണ്പൂവും പെണ്പൂവും വെവ്വേറെ ചെടികളില് കാണുന്നു. മെയ് മാസത്തോടെ കായ്കള് വിളയുന്നു. കാപ്സ്യൂള് രൂപത്തിലാണ് കായ്കള്. കായ്കള്ക്ക് മണമില്ല. വിത്ത് കിളിര്ക്കും. ആദ്യം പുളിയും പിന്നീട് മധുരവുമാണ് രുചി. കാട്ടിലെ മരമാണെങ്കിലും, ഇപ്പോള് നാട്ടിലും വളര്ത്തിവരുന്നു. പഴത്തിന് പുറമെ പുറന്തോട് അച്ചാറിടാനും ഉത്തമം. മൂട്ടിപ്പഴത്തിന് ധാരാളം ഔഷധ ഗുണങ്ങളുണ്ട്. കൊളസ്ട്രോള് കുറയ്ക്കുന്നതിനും പ്രമേഹ ചികിത്സക്കും ഇത് ഉപയോഗിക്കുന്നു. ശ്ലേഷ്മ പാളികളുടെ അസുഖം ഭേദപ്പെടുത്താന് ഇതിന്റെ തൊലി കൊണ്ടുള്ള കഷായം ഉപയോഗിക്കുന്നു. പ്രമേഹ നിയന്ത്രണത്തിന് ഇതിന്റെ വേരുകള് നല്ലതാണ്. മൂലക്കുരു മാറുന്നതിന് വേരും ഇലയും നന്നായരച്ച് ചൂടുവെള്ളം ചേര്ത്ത് ഗുളികകളാക്കി കഴിക്കാറുണ്ട്. വയറിനകത്തെ വിഷാംശം പുറന്തള്ളുന്നതിന് ഇതിന്റെ ഇലകളും പഴവും തടിയുടെ ഭാഗങ്ങളും ചേര്ത്തരച്ച് ഉപയോഗിക്കാറുണ്ട്. പാകമാകാത്ത കായകളുടെ തൊണ്ട്, പനി മാറുന്നതിന് ഗോത്രവര്ഗക്കാര് പ്രയോഗിക്കാറുണ്ട്. (മൂട്ടിപ്പഴത്തിന്റെ തൈകള് ലഭിക്കാന്: കോശ്ശേരിയില് കുര്യന് ജോര്ജ്ജ്: 9447821881, വി.ജി ശശിധരന്: 9495656516, നാഗാര്ജ്ജുന ആയുര്വേദിക് ഗ്രൂപ്പ്: 04852261903, 9847072596.)
ജന്മഭൂമി ഓണ്ലൈന്