താരമായി സച്ചിന്‍

തുമ്പ: റോബിന്‍ ഉത്തപ്പയ്‌ക്ക് പിന്നാലെ നായകന്‍ സച്ചിന്‍ ബേബിയും സെഞ്ചുറി കുറിച്ചതോടെ കേരളത്തിന് കൂറ്റന്‍ സ്‌കോര്‍. ദല്‍ഹിക്കെതിരായ രഞ്ജി ട്രോഫി മത്സരത്തില്‍ കേരളം ഒമ്പത് വിക്കറ്റിന് 525 റണ്‍സ് നേടി ഇന്നിങ്ങ്‌സ് അവസാനിപ്പിച്ചു. മുന്നില്‍ നിന്ന് നയിച്ച ക്യാപ്റ്റന്‍ സച്ചിന്‍ ബേബി 155 റണ്‍സോടെ ടോപ്പ് സ്‌കോററായി. ആദ്യ ദിനത്തില്‍ റോബിന്‍ ഉത്തപ്പ 102 റണ്‍സ് നേടിയിരുന്നു. 

മറുപടി ബാറ്റിങ്ങിനിറങ്ങിയ ദല്‍ഹി രണ്ടാം ദിനം കളി നിര്‍ത്തുമ്പോള്‍ രണ്ട് വിക്കറ്റിന് 23 റണ്‍സെന്ന നിലയിലാണ്. ഓപ്പണര്‍മാരായ  കുനാല്‍ ചന്ദേല (1), അനൂജ് റാവത്ത്് (15) എന്നിവരാണ് പുറത്തായത്.

ആദ്യ ദിനത്തില്‍ 36 റണ്‍സുമായി പുറത്താകാതെ നിന്ന സച്ചിന്‍ ബേബി 274 പന്തിലാണ് 155 റണ്‍സ് നേടിയത്. പതിമൂന്ന് ബൗണ്ടറി ഉള്‍പ്പെട്ട ഇന്നിങ്ങ്‌സ്. സാല്‍മാന്‍ നിസാര്‍ ക്യാപ്്റ്റന് മികച്ച പിന്തുണ നല്‍കി. നിസാര്‍ 144 പന്തില്‍ ഒമ്പത് ഫോറും രണ്ട് സിക്‌സറും അടക്കം 77 റണ്‍സ് സ്വന്തം പേരില്‍ കുറിച്ചു. മുഹമ്മദ് അസറൂദ്ദീന്‍ 15 റണ്‍സിന് പുറത്തായി.

എസ്. ജോസഫ് (14) ആസിഫ് (7) എന്നിവര്‍ പുറത്താകാതെ നിന്നു. 

സ്‌കോര്‍ബോര്‍ഡ്

കേരളം: ഒന്നാം ഇന്നിങ്ങ്‌സ്: പി. രാഹുല്‍ എല്‍ബിഡബ്‌ളിയു ബി മിശ്ര 97, ജലജ് സക്‌സേന സി ലളിത് ബി തേജസ് ബറോക്ക 32, റോബിന്‍ ഉത്തപ്പ സി ലളിത് ബി സങ്‌വാന്‍ 102, സച്ചിന്‍ ബേബി ബി ലളിത് 155, വിഷ്ണു വിനോദ് ബി ശിവം ശര്‍മ 5, മുഹമ്മദ് അസറുദ്ദീന്‍ സി അഞ്ജു റാവത്ത് ബി തേജസ് ബറോക്ക 15, സാല്‍മാന്‍ നിസാര്‍ സി വികാസ് മിശ്ര ബി തേജസ് ബറോക്ക 77, കെ.എസ്. മോനീഷ് എല്‍ബിഡബ്‌ളിയു ബി ശിവം ശര്‍മ 9, എസ്.ജോസഫ് നോട്ടൗട്ട്് 14, സന്ദീപ് വാര്യര്‍ സി അഞ്ജു റാവത്ത് ബി ലളിത് 0, ആസിഫ് നോട്ടൗട്ട് 7, എക്‌സ്ട്രാസ് 12 , ആകെ ഒമ്പത് വിക്കറ്റിന് 525

വിക്കറ്റ് വീഴ്ച: 1-68, 2-186, 3-276, 4-281, 5-310, 6-466, 7-497, 8-505, 9-507.

ബൗളിങ്: സങ്‌വാന്‍ 14-4-38-1, സെയ്‌നി 17-3-64-0, വികാസ് മിശ്ര 34-4-107-1, ശിവം ശര്‍മ 34-5-112-2, തേജസ് ബറോക്ക 30-0-128-3, എന്‍. റാണ 15-3-22-0, ലളിത് യാദവ് 21-3-47-2.

ദല്‍ഹി: ഒന്നാം ഇന്നിങ്‌സ്: അഞ്ജു റാവത്ത് ബി ജലജ് സക്‌സേന 15, ചന്ദേല സി മുഹമ്മദ് അസറുദ്ദീന്‍ ബി സന്ദീപ് വാര്യര്‍ 1, ഷോറി നോട്ടൗട്ട് 6, എന്‍. റാണ നോട്ടൗട്ട് 0, എക്‌സ്ട്രാസ് 1, ആകെ രണ്ട് വിക്കറ്റിന് 23.

സെഞ്ചുറി നേടിയ സച്ചിന്‍ ബേബി ആരാധകരെ അഭിവാദ്യം ചെയ്യുന്നു