തിരുവനന്തപുരം : സിനിമ മേഖലയില്‍ ആണ്‍കുട്ടികള്‍ മാത്രമല്ല നടിമാരില്‍ പലരും ലഹരി ഉപയോഗിക്കുന്നുണ്ടെന്ന് അമ്മ എക്‌സിക്യൂട്ടീവ് അംഗം ബാബുരാജിന്റെ വെളിപ്പെടുത്തല്‍. പോലീസ് പരിശോധന നടത്തിയാല്‍ പലരും അറസ്റ്റിലാകുമെന്നും അദ്ദേഹം അറിയിച്ചു. സ്വകാര്യ മാധ്യമത്തിന് നല്‍കിയ അഭിമുഖത്തിലാണ് ഇക്കാര്യം വെളിപ്പെടുത്തിയിരികുന്നത്.
ലഹരി ഉപയോഗിക്കാത്തവര്‍ ഒന്നിനും കൊള്ളില്ലെന്നാണ് സിനിമാക്കാരില്‍ ചിലരുടെ നിലപാട്. ലഹരി ഉപയോഗിക്കുന്നവരുടെ മാത്രം സിനിമ സംഘങ്ങളുണ്ടെന്നും അദ്ദേഹം പറഞ്ഞു. അതേസമയം സിനിമ ചിത്രീകരണവുമായി ബന്ധപ്പെട്ട് പ്രശ്‌നങ്ങള്‍ ഉണ്ടായപ്പോള്‍ മാത്രമാണ് ഷെയ്ന്‍ അമ്മയില്‍ അംഗമായത്. ലഹരിമരുന്ന് ഉപയോഗിക്കുന്നവരില്‍ പലര്‍ക്കും സംഘടനയില്‍ അംഗങ്ങളാകാന്‍ താല്‍പര്യമില്ല. ഷെയിനിന്റെ വീഡിയോ കണ്ടാല്‍ പലര്‍ക്കും അത് മനസിലാകും. അതിനാല്‍ ആ വിഷയത്തില്‍ ഇടപെടാന്‍ അമ്മയ്‌ക്ക് പരിമിതികളുണ്ടെന്നുമം ബാബുരാജ് അറിയിച്ചു.
അതേസമയം സിനിമയുടെ ചിത്രീകരണത്തിന് തടസ്സമാകും വിധത്തില്‍ ഷെയിന്‍ മുടി വെട്ടിയതില്‍ പ്രതിഷേധിച്ച് നടന്‍ വേഷമിടുന്ന് ചിത്രങ്ങള്‍ ഉപേക്ഷിക്കാന്‍ നിര്‍മാതാക്കള്‍ കഴിഞ്ഞ ദിവസം തീരുമാനമെടുത്തിരുന്നു. ഈ സിനിമ നിര്‍മാണത്തിനായി നഷ്ടമായ ഏഴുകോടി തിരിച്ചു നല്‍കണമെന്നും സംഘടന ആവശ്യപ്പെട്ടിട്ടുണ്ട്.
