തിരുവനന്തപുരം: അഭ്യാസപ്രകടനം നടത്തി ഒരാളെ ഇടിച്ചിട്ട ബസ് ഡ്രൈവറുടെ ലൈസന്സ് റദ്ദാക്കാന് നടപടി. പത്തനംതിട്ട, കോട്ടയം എന്നിവിടങ്ങളിലുള്ള ബസുകളാണ് അപകടകരമായ രീതിയില് അഭ്യാസ പ്രകടനം നടത്തിയതെന്ന് കണ്ടെത്തിയിട്ടുണ്ട്. ഇവര്ക്കെതിരെ നടപടി സ്വീകരിക്കുമെന്ന് എന്ഫോഴ്സ്മെന്റ് ആര്ടിഒ അറിയിച്ചു.
ഒക്ടോബര് 12-ന് നടന്ന സമ്മേളനത്തിനിടെ മൂന്ന് ബസുകളാണ് അഭ്യാസപ്രകടനം നടത്തിയത്. ഇതില് രണ്ടെണ്ണം പത്തനംതിട്ട സ്വദേശിയുടേതും മൂന്നാമത്തേത് കോട്ടയം സ്വദേശിയുടേതുമാണ്. പത്തനംതിട്ട സ്വദേശിയുടെ കൊമ്പന് എന്ന ബസ് പ്രകടനം നടത്തുന്നതിനിടെയാണ് ഒരാളെ ഇടിച്ചിട്ടത്.
കൊമ്പന് ബസിന്റെ ഡ്രൈവര് സുജിത് നിലവില് സംസ്ഥാനത്തിന് പുറത്താണ്. ഇയാള് തിരിച്ചെത്തിയാല് ഉടന് നോട്ടീസ് നല്കി ലൈസന്സ് റദ്ദാക്കുകയും ചെയ്യുമെന്ന് അധികൃതര് പറഞ്ഞു. അതിനിടെ ബസില് നിന്നും വീണ് പരിക്കേറ്റായള് കേസ് അതിനിടെ ഒത്തുതീര്പ്പിലെത്തി.
വാഹനങ്ങളില് കര്ശ്ശന പരിശോധന നടത്താനും മോട്ടോര് വാഹന വകുപ്പ് ഉത്തരവ് പുറത്തിറക്കി. ടൂറിസ്റ്റ് ബസുകളില് അനധികൃത ലൈറ്റുകളും സൗണ്ട് സിസ്റ്റവും ഘടിപ്പിച്ചതായി ശ്രദ്ധയില് പെട്ടാല് ചെക്ക് പോസ്റ്റുകളില് സ്പെഷല് പെര്മിറ്റ് നല്കില്ലെന്നും തീരുമാനിച്ചിട്ടുണ്ട്. ത് സംബന്ധിച്ച് എല്ലാം ചെക്ക് പോസ്റ്റുകളിലും നോട്ടീസ് പതിക്കും. വിനോദയാത്രയുടെ ഭാഗമായി ടൂറിസ്റ്റ് ബസുകള് വിളിച്ച് അഭ്യാസ പ്രകടനങ്ങള് നടത്തുന്നത് ഒഴിവാക്കാന് സ്കൂളുകളിലും കോളജുകളിലും ബോധവല്ക്കരണക്ലാസ് സംഘടിപ്പിക്കാനും മോട്ടോര്വാഹന വകുപ്പ് കമ്മിഷണര് ഉത്തരവിറക്കിയിട്ടുണ്ട്.
