ഗാന്ധിനഗര്‍: ഗുജറാത്തിലും രാജസ്ഥാനിലും പ്രചാരത്തിലുള്ള പരമ്പരാഗത നാടോടി നൃത്തരൂപമായ ‘തല്‍വാര്‍ റാസ്’ അവതരിപ്പിക്കുന്ന കേന്ദ്രമന്ത്രി സ്മൃതി ഇറാനിയുടെ വീഡിയോ സമൂഹമാധ്യമങ്ങളില്‍ വൈറലാകുന്നു. ഇരു കൈകളിലും വാളേന്തി നില്‍ക്കുന്ന മന്ത്രിയേയും, ശേഷം കലാകാരന്മാര്‍ക്കൊപ്പം ചുവടുവയ്‌ക്കാന്‍ ശ്രമിക്കുന്ന സ്മൃതി ഇറാനിയെയും വീഡിയോയില്‍ കാണാം.
ഗുജറാത്ത് ബിജെപി പ്രസിഡന്റ് ജിതു വഗാനി, ലോക്‌സഭാ എംപി ഭാരതിബെന്‍ ഷിയാല്‍ എന്നിവര്‍ പങ്കെടുത്ത ഗുജറാത്തിലെ ഭാവ്‌നഗറില്‍ നടന്ന സാംസ്‌കാരിക പരിപാടിക്കിടെയാണ് കലാകാരന്മാര്‍ക്കൊപ്പം സ്മൃതി ഇറാനി ചുവടുവച്ചത്. വെള്ളിയാഴ്ച നടന്ന പരിപാടിയുടെ വീഡിയോ വാര്‍ത്താ ഏജന്‍സിയായ എഎന്‍ഐ ആണ് പുറത്തുവിട്ടത്.
പ്രതികരിക്കാൻ ഇവിടെ എഴുതുക: