തിരുവനന്തപുരം: മാവോയിസ്റ്റ് അനുകൂല ലഘുലേഖ കൈവശം വച്ച കേസില് സിപിഎം പ്രവര്ത്തകര്ക്കെതിരെ യുഎപിഎ ചുമത്തി അറസ്റ്റ് ചെയ്തതില് പോലീസിനെതിരെ രൂക്ഷവിമര്ശനവുമര്ശനവുമായി സിപിഐ മുഖപത്രമായ ജനയുഗം. ‘യുഎപിഎ സര്ക്കാരിനുനേരെയുള്ള ചൂണ്ടുവിരലായിക്കൂടാ’ എന്ന തലക്കെട്ടോടെയാണ് തുടങ്ങുന്ന ജനയുഗത്തിലെ മുഖപ്രസംഗത്തില് ലഘുലേഖയുടെ പേരില് മാവോയിസ്റ്റ് ബന്ധം ആരോപിക്കുന്നത് ദുരൂഹമാണെന്നും പറയുന്നു.
അറസ്റ്റിലായവരുടെ മാവോ ബന്ധം പോലീസ് തെളിയിച്ചിട്ടില്ല. പോലീസ് ഉദ്യോഗസ്ഥരുടെ നിഗൂഢ നീക്കങ്ങളെ നിരീക്ഷിക്കണമെന്നും ജനയുഗം ആവശ്യപ്പെടുന്നു. അതേസമയം യുഎപിഎ അറസ്റ്റ് ഇന്ന് പ്രതിപക്ഷം നിയമസഭയില് ഉന്നയിച്ചേക്കും.
ഇവിടെ അറസ്റ്റിലായവരുടെ മാവോ ബന്ധം പോലീസ് തെളിയിച്ചിട്ടില്ല. ഇവരുടെ വീടുകളില് റെയ്ഡ് നടത്തി മൊബൈല് ഫോണുകളും ലാപ്ടോപ്പും തൊണ്ടിയാക്കിക്കൊണ്ടുപോയതും ലഘുലേഖയുമാണ് തെളിവായി കരുതിയിട്ടുള്ളത്. കരിനിയമം ചുമത്തപ്പെട്ടതിന്റെ നിയമസാധുത സംസ്ഥാന സര്ക്കാരും പരിശോധിക്കും. പക്ഷെ വിഷയത്തെ രാഷ്ട്രീയമായി സര്ക്കാരിനെതിരെ തിരിച്ചുവിടാന് അവസരമൊരുക്കിക്കൂടാ. അതിന് പോലീസ് ഉദ്യോഗസ്ഥരുടെ നിഗൂഢമായ നീക്കങ്ങളെ നിരീക്ഷിക്കേണ്ടിയിരിക്കുന്നു, ജനയുഗം എഴുതുന്നു.
