ചങ്ങനാശേരി: മുഖ്യമന്ത്രി പിണറായി വിജയനെതിരെ രൂക്ഷവിമര്ശനവുമായി എന്എസ്എസ്. സര്ക്കാര് നടപ്പാക്കാന് ശ്രമിക്കുന്നത് വെറും കൃത്രിമ നവോത്ഥാനമാണെന്ന് എന്എസ്എസ് പ്രസിഡന്റ് നരേന്ദ്രന് നായര് വ്യക്തമാക്കി. അയിത്തോച്ചാടനം ഇല്ലാതാക്കാന് സമരം ചെയ്ത മന്നത്ത് പത്മാഭന്റെ പിന്മുറക്കാരാനാണ് തങ്ങളെന്ന ഓര്മ്മ എല്ലാവര്ക്കും ഉണ്ടായിരിക്കണമെന്നും അദ്ദേഹം പറഞ്ഞു. അയ്യപ്പന്റെ പടം തലകീഴായ് മറിച്ചിടുന്നത് നവോത്ഥാനമല്ല.
കഴിഞ്ഞ ദിവസവും മുഖ്യമന്ത്രി പിണറായി വിജയനെതിരെ വിമര്ശനവുമായി എന്എസ്എസ് രംഗത്തെത്തിയിരുന്നു. സവര്ണ്ണഅവര്ണ്ണ ചേരിതിരിവും മുന്നാക്ക പിന്നാക്ക വിഭാഗീയതയും ജാതിതിരിവും ഉണ്ടായത് ശബരിമല വിഷയത്തില് സര്ക്കാര് നവോത്ഥാനം ഉയര്ത്തിപ്പിടിക്കാന് തുടങ്ങിയത് മുതലാണെന്ന് എന്എസ്എസ് വ്യക്തമാക്കിയിരുന്നു.
‘ഞങ്ങള് മാത്രമാണ് നവോത്ഥാനത്തിന്റെ പ്രവാചകര്, ഞങ്ങള് പറയുന്ന വഴിയേ വന്നോണം, അല്ലാത്തവരെയൊക്കെ അപ്രസക്തമാക്കും’ എന്നത് ഭീഷണിയുടെ സ്വരമായി സംശയിക്കുന്നുവെന്നും എന്എസ്എസ് പത്രക്കുറിപ്പിലൂടെ അറിയിച്ചിരുന്നു.
