തിരുവനന്തപുരം: അട്ടപ്പാടിക്കു ശേഷം തൃശൂരിലെ ഗ്രാമം ദത്തെടുത്ത് സുരേഷ് ഗോപി എംപി. സുരേഷ് ഗോപി ഫാന്സ് വെല്ഫെയര് അസോസിയേഷന് തൃശൂരിന്റെ ഔദ്യോഗിക പേജില് പങ്കുവച്ച ഒരു പരിപാടിയുടെ വീഡിയോയില് ഗ്രാമം ഏതാണെന്ന് അന്വേഷിച്ച് കണ്ടെത്താന് പങ്കെടുക്കാനെത്തിയവരോടായി സുരേഷ് ഗോപി പറയുന്നുണ്ട്. എന്നാല് ഗ്രാമത്തിന്റെ പേര് എംപി വ്യക്തമാക്കിയിട്ടില്ല.
നിരവധി പദ്ധതികള് ഗ്രാമത്തില് നടപ്പിലാക്കാന് ഉദ്ദേശിക്കുന്നുണ്ടെന്ന് അദേഹം വ്യക്തമാക്കി. ഏറ്റവും ആദ്യമായി നാശത്തിലേക്ക് പോയിക്കൊണ്ടിരിക്കുന്ന ഒരു കുളത്തെ സംരക്ഷിക്കുക എന്നാതാണെന്ന് അദ്ദേഹം പറഞ്ഞു. പ്രദേശത്ത് ഫുട്കോംപ്ലക്സിന് വേണ്ടി എംപി ഫണ്ടില് നിന്നും ഒരു കോടി രൂപ നല്കുമെന്നും സുരേഷ് ഗോപി വ്യക്തമാക്കി.
പ്രദേശത്ത് ആദ്യമായിട്ടാണ് ഇത്തരത്തിലൊരു പദ്ധതി നടപ്പാക്കുന്നത്. അതുകൊണ്ട് തന്നെ പദ്ധതികള് തയ്യാറാക്കുന്നതിനായി ഉദ്യോഗസ്ഥര് ത്വരിത വേഗത്തിലാണ് പ്രവര്ത്തിക്കുന്നതെന്നും അദ്ദേഹം പറഞ്ഞു. പദവിയില് തുടരാന് ഭാഗ്യം ലഭിക്കുകയാണെങ്കില് കൂടുതല് ഗ്രാമങ്ങള് ദത്തെടുക്കുമെന്നും സുരേഷ് ഗോപി വിശദീകരിച്ചു.
