ന്യൂദല്ഹി: രാജ്യ തലസ്ഥനത്ത് വായു മലിനീകരണം അതിരൂക്ഷമായതിനെ തുടര്ന്ന് ആരോഗ്യ അടിയന്തരാവസ്ഥ പ്രഖ്യാപിച്ചു കഴിഞ്ഞു. സ്കൂളുകള് ഈ മാസം അഞ്ചു വരെ അടച്ചിടാനും ഉത്തരവുണ്ട്. ഇതോടെ, ഞായറാഴ്ച നടത്തേണ്ട ഇന്ത്യ- ബംഗ്ലദേശ് പരമ്പരയിലെ ആദ്യ ട്വന്റി 20 മത്സരത്തിന്റെ കാര്യത്തിലും അനിശ്ചിതത്വം തുടരുകയാണ്. ദീപാവലി മുതല് ദല്ഹിയില് അന്തരീക്ഷ മലിനീകരണ തോത് വര്ദ്ധിക്കുകയാണ്. ജനുവരിക്ക് ശേഷം ആദ്യമായാണ് ഇത്ര രൂക്ഷമായ അന്തരീക്ഷ മലിനീകരണം ദല്ഹിയെ ബാധിക്കുന്നത്. മലിനീകരണം രൂക്ഷമായതിനാല് ക്രിക്കറ്റ് മത്സരം ദല്ഹിയില് നിന്നു മാറ്റണമെന്ന് പരിസ്ഥിതി പ്രവര്ത്തകര് നേരത്തേ ആവശ്യപ്പെട്ടിരുന്നു.
2017ല് ഫിറോസ് ഷാ കോട്ല സ്റ്റേഡിയത്തില് ഇന്ത്യക്കെതിരേ ടെസ്റ്റ് മത്സരത്തില് ശ്രീലങ്കന് താരങ്ങള് ദല്ഹിയിലെ അന്തരീക്ഷ മലിനീകരണം ശരിക്കും അനുഭവിച്ചതാണ്. മാസ്ക് ധരിച്ചാണ് പല താരങ്ങളും ഗ്രൗണ്ടില് ഇറങ്ങിയത്. മത്സരശേഷം ധനഞ്ജയ ഡിസില്വെ ഉള്പ്പെടെ പല താരങ്ങളും ഛര്ദിച്ചു ഡ്രസിങ് റൂമില് കുഴഞ്ഞു വീഴുന്ന അവസ്ഥയിലേക്ക് വരെ കാര്യങ്ങള് നീങ്ങി. മത്സരം നടക്കുന്ന അന്തരീക്ഷത്തെ അന്നത്തെ ശ്രീലങ്കന് കോച്ച് വിമര്ശിക്കുകയും ചെയ്തിരുന്നു.
രണ്ടു വര്ഷത്തിനു ശേഷം ബംഗ്ലാദേശ് ടീമിനേയും കാത്തിരിക്കുന്നത് ഏതാണ്ട സമാനമായ അവസ്ഥ. ബംഗ്ലാദേശ് ടീമിലെ മിക്ക താരങ്ങളും ഇന്നലെ മാസ്ക് ധരിച്ചാണ് ഗ്രൗണ്ടില് പരിശീലനത്തെത്തിയത്. മൂടല്മഞ്ഞും കടുത്തതോടെ കാര്യമായ പരിശീലനവും നടന്നില്ല. ഇന്നു ഫീല്ഡിംഗ് പരിശീലന വേളയില് ബംഗ്ലാദേശ് ഫാസ്റ്റ് ബാസ്റ്റ് ബൗളര് അല്അമിന് ഹൊസൈന്, ടീമിന്റെ സ്പിന് കണ്സള്ട്ടന്റ് ഡാനിയല് വെട്ടോറി, കോച്ച് റസ്സല് ഡൊമിംഗോ എന്നിവരെല്ലാം മലിനീകരണ മാസ്ക് ധരിച്ച ചിത്രങ്ങള് പുറത്തുവന്നുകഴിഞ്ഞു.
ട്വന്റി 20 മത്സരംമൂന്ന് മണിക്കൂര് മാത്രമാണ്, അതിനാല് വലിയ കുഴപ്പമില്ലെന്നും തോന്നുന്നു, കണ്ണുകള്ക്ക് അസ്വസ്ഥതയുണ്ടാകാം, തൊണ്ടവേദനയ്ക്കും സാധ്യതയുണ്ട് പക്ഷേ കുഴപ്പമില്ല. ആരും മരിക്കാന് പോകുന്നില്ലെന്നും കോച്ച് ഡൊമിംഗോ മലീനീകരണം സംബന്ധിച്ച ചോദ്യത്തോട് പ്രതികരിച്ചു. സ്ഥിതി അനുയോജ്യമല്ലെങ്കിലും ഇരുടീമുകള്ക്കും ഇത് ഒരുപോലെയാകുമെന്നും അദ്ദേഹം. ഇന്ത്യയും ബംഗ്ലാദേശും ദല്ഹിയില് നടക്കുന്ന ടി 20 ഐ മത്സരം ആസൂത്രണം ചെയ്തപോലെ മുന്നോട്ട് പോകുമെന്ന് ബിസിസിഐ പ്രസിഡന്റ് സൗരവ് ഗാംഗുലി വ്യാഴാഴ്ച സ്ഥിരീകരിച്ചിരുന്നു. എന്നാലും മലിനീകരണം ക്രമീതീതമായി വര്ധിക്കുന്ന സാഹചര്യത്തില് വേദി മാറ്റുന്നതടക്കം കാര്യങ്ങള് വീണ്ടും ആലോചനയ്ക്കു സാധ്യതയുണ്ടെന്നാണു ബിസിസിഐയോട് അടുത്ത വൃത്തങ്ങള് നല്കുന് സൂചന.
