ന്യൂദല്ഹി: ഐഎസുമായി ബന്ധമുണ്ടെന്ന് കണ്ടെത്തി വിവിധ സുരക്ഷാ ഏജന്സികള് അറസ്റ്റ് ചെയ്ത 127 പേര് ഭീകരന് സാക്കിര് നായിക്കിന്റെ പ്രസംഗങ്ങളാലും ആശയങ്ങളാലും പ്രചോദിതരാണെന്നും വെളിപ്പെടുത്തല്. ദേശീയ അന്വേഷണ ഏജന്സിയിലെ ഉയര്ന്ന ഉദ്യോഗസ്ഥന് അലോക് മിത്തലാണ് ഇക്കാര്യം മാധ്യമങ്ങളോട് പറഞ്ഞത്.
വിവിധ സംസ്ഥാനങ്ങളില് നിന്നുമായി അറസ്റ്റു ചെയ്യപ്പെട്ടവരില് കൂടുതലും തമിഴ്നാട്ടുകാരാണ്. 33 പേരാണ് തമിഴ് നാട്ടില് നിന്നും അറസ്റ്റുചെയ്യപ്പെട്ടിട്ടുള്ളത്. കേരളത്തില് നിന്നും 17 പേരുണ്ട്. തെലങ്കാനയില് നിന്നും 14, ഉത്തര് പ്രദേശില് നിന്നും 19, മഹാരാഷ്ട്രയില് നിന്നും 12, കര്ണാടകയില് നിന്നും 8, ഡല്ഹിയില് നിന്നും 7 എന്നിങ്ങനെയാണ് അറസ്റ്റ് ചെയ്യപ്പെട്ടവരുടെ കണക്ക്. കൂടാതെ ഉത്തരാഖണ്ഡ്, ബംഗാള്, ജമ്മു കാശ്മീര്, രാജസ്ഥാന്, ഗുജറാത്ത്, ബിഹാര്, മദ്ധ്യപ്രദേശ് എന്നിവിടങ്ങളില് നിന്നും ആള്ക്കാരെ അറസ്റ്റ് ചെയ്തിട്ടുണ്ട്. ഇവരിലും സാക്കിര് നായിക്കിനാല് ഭീകരവാദത്തിലേക്ക് ആകൃഷ്ടരായവര് ഉണ്ടെന്നും മിത്തല് പറഞ്ഞു. ബംഗ്ലാദേശ് കേന്ദ്രീകരിച്ച് പ്രവര്ത്തിക്കുന്ന ജമാത്ത് ഉല് മുജാഹിദീന് എന്ന ഭീകരസംഘടന കേരളം, കര്ണാടക, മഹാരാഷ്ട്ര എന്നീ സംസ്ഥാനങ്ങളില് വേരുപിടിച്ചിട്ടുണ്ടെന്നും അദ്ദേഹം വ്യക്തമാക്കി.
കേരളത്തെ കൂടാതെ കര്ണാടക, ബിഹാര്, മഹാരാഷ്ട്ര എന്നിവടങ്ങളിലാണ് ബംഗ്ലാദേശി തീവ്രവാദി ഗ്രൂപ്പുകള് സജീവമായുള്ളത്. ആദ്യമായാണു ബംഗ്ലാദേശി തീവ്രവാദ ഗ്രൂപ്പുകള്ക്ക് കേരളത്തില് ശക്തമായ വേരോട്ടമുണ്ടെന്നു ഔദ്യോഗിക ഏജന്സി വെളിപ്പെടുത്തുന്നത്. കേരളത്തിലേക്ക് പലതരം ജോലി തേടിയെത്തുന്ന ഇതര സംസ്ഥാനക്കാരില് ഭൂരിപക്ഷവും ബംഗ്ലാദേശി നുഴഞ്ഞുകയറ്റക്കാരാണ്. അസം, പശ്ചിമ ബംഗാള് സ്വദേശികള് എന്ന ലേബലിലാണ് ഇവര് എത്തുന്നതെങ്കിലും ബംഗ്ലാദേശി തീവ്രവാദ ഗ്രൂപ്പുകളില് അംഗമായവരാണ് ഇത്തരക്കാരെന്നാണ് റിപ്പോര്ട്ട്. കേരളത്തില് ഇതരസംസ്ഥാനക്കാര് ഉള്പ്പെടുന്ന കുറ്റകൃത്യങ്ങളില് വന്വര്ധന രേഖപ്പെടുത്തുന്നതിനെ പിന്നാലെയാണ് ഇവരുടെ തീവ്രവാദ ബന്ധവും ദേശീയ അന്വേഷണ ഏജന്സി വെളിപ്പെടുത്തുന്നത്.
