കാക്കനാട്: കൊച്ചിയില് പ്രണയാഭ്യര്ത്ഥന നിരസിച്ചതിനെ തുടര്ന്ന് യുവാവ് പെണ്കുട്ടിയെ തീകൊളുത്തി കൊന്നു. പ്ലസ് വണ് വിദ്യാര്ത്ഥിനി ദേവിക (17)യാണ് കൊല്ലപ്പെട്ടത്. കാക്കനാട്ടെ പെണ്കുട്ടിയുടെ വീട്ടില് അതിക്രമിച്ചു കയറിയ യുവാവ് പെട്രോളൊഴിച്ച് തീ കൊളുത്തുകയായിരുന്നു. പറവൂര് സ്വദേശി മിഥുനാണ് തീകൊളുത്തിയത്. സാരമായി പൊള്ളലേറ്റ പെണ്കുട്ടി തല്ക്ഷണം മരിച്ചു. ഗുരുതരമായി പൊള്ളലേറ്റ മിഥുനെ കളമശ്ശേരി മെഡിക്കല് കോളേജ് ആശുപത്രിയില് പ്രവേശിപ്പിച്ചെങ്കിലും ചികിത്സയ്ക്കിടെ മരിച്ചു.
ഇന്ന് പുലര്ച്ചയോടെയാണ് സംഭവം. വീട്ടിലെത്തിയ യുവാവ് വാതിലില് മുട്ടിയപ്പോള് പെണ്കുട്ടിയുടെ പിതാവാണ് തുറന്നത്. ഉടന് അകത്തേക്ക് ഓടിക്കയറിയ യുവാവ് പെണ്കുട്ടിയുടെ ദേഹത്തേക്ക് പെട്രോള് ഒഴിച്ച ശേഷം തീയിടുകയായിരുന്നു.
പെണ്കുട്ടിയുടെ പിതാവിനും പരിക്കേറ്റിട്ടുണ്ട്. പ്രണയാഭ്യര്ത്ഥന നിരസിച്ചതാണ് കൊലപാതകത്തിന് പിന്നില്ലെന്നാണ് പ്രാഥമിക നിഗമനം. സുഹൃത്തിന്റെ ബൈക്കിലാണ് യുവാവ് എത്തിയത്. പെണ്കുട്ടിയുടെ വീടിന് സമീപത്തുനിന്നും ബൈക്ക് കണ്ടെടുത്തിട്ടുണ്ട്.
