ദുബായ്: ഐസിസി ടെസ്റ്റ് ബാറ്റസ്മാന്മാരുടെ റാങ്കിങ്ങില് ഒന്നാം സ്ഥാനത്ത് തുടരുന്ന ഇന്ത്യന് നായകന് വിരാട് കോഹ്ലിക്കരികിലേക്ക് സ്റ്റീവ് സ്മിത്ത് കുതിക്കുന്നു. ന്യൂസിലന്ഡ് നായകന് കെയ്ന് വില്യംസണിനെ പിന്തള്ളി രണ്ടാം സ്ഥാനത്തേക്ക് ഉയര്ന്ന സ്മിത്ത് ,കോഹ്ലിയെക്കാള് ഒമ്പത് പോയിന്റിന് പിന്നിലാണ്.
പുതിയ റാങ്കില് കോഹ് ലി 922 പോയിന്റോടെയാണ് ഒന്നാം സ്ഥാനത്ത് തുടരുന്നത്. 913 പോയിന്റുമായി സ്മിത്ത് തൊട്ടു പിന്നിലുണ്ട്. ആഷസ് പരമ്പരയിലെ രണ്ടാം ടെസ്റ്റിലും മികച്ച പ്രകടനമാണ് സ്മിത്തിനെ രണ്ടാം സ്ഥാനത്തേക്ക് ഉയര്ത്തിയത്. ഇന്ത്യയുടെ ടെസ്റ്റ് സ്പെഷ്യലിസ്റ്റ് ചേതേശ്വര് പൂജാര നാലാം സ്ഥാനത്തുണ്ട്. കോഹ് ലിയെ കൂടാതെ ആദ്യ പത്തിലുള്പ്പെടുന്ന ഏക ഇന്ത്യന് താരമാണ് പൂജാര. ശ്രീലങ്കന് ക്യാപ്റ്റന് ദിമുത്തു കരുണരത്ന നാല് സ്ഥാനം മുന്നില് കയറി എട്ടാം റാങ്കിലെത്തി.
ബൗളര്മാരുടെ റാങ്കിങ്ങില് ഓസീസിന്റെ പാറ്റ് കമിന്സ് ഒന്നാം സ്ഥാനത്ത തുടരുകയാണ്. ഇന്ത്യന് സ്പിന്നര് രവീന്ദ്ര ജഡേജ ഒരു സ്ഥാനം മുന്നില്ക്കയറി അഞ്ചാം റാങ്കിലെത്തി. ഓള് റൗണ്ടര്മാരുടെ റാങ്കിങ്ങില് ജഡേജ മൂന്നാം സ്ഥാനത്താണ്. വിന്ഡീസ് ക്യാപറ്റന് ജേസണ് ഹോള്ഡര്, ബംഗ്ലാദേശിന്റെ ഷാക്കിബ് അല് ഹസന് എന്നിവരാണ് യഥാക്രമം ഒന്ന്, രണ്ട് സ്ഥാനങ്ങളില്. ടീമുകളുടെ റാങ്കിങ്ങില് ഇന്ത്യക്കാണ് ഒന്നാം സ്ഥാനം.113 പോയിന്റ്. ന്യൂസിലന്ഡ് 111 പോയിന്റുമായി രണ്ടാം സ്ഥാനത്തും ദക്ഷിണാഫ്രിക്ക 108 പോയിന്റുമായി മൂന്നാം സ്ഥാനത്തും നില്ക്കുന്നു.
