കുവൈത്ത് സിറ്റി: കുവൈത്തിലേക്ക് അനധികൃതമായി കടത്തിക്കൊണ്ടു വന്ന ഒരു കോടിയോളം മയക്കുമരുന്ന് ഗുളികകള് പിടിച്ചെടുത്തു. മെഡിക്കല് ഉപകരണങ്ങളാണെന്ന് രേഖപ്പെടുത്തിയ 40 അടി നീളമുള്ള കണ്ടെയ്നറിലായിരുന്നു ഗുളികകള് എത്തിച്ചത്.
കര്ശന നിയന്ത്രണമുള്ള ട്രമഡോള് എക്സ് 225 ഗുളികളാണ് ഒരു ഏഷ്യന് രാജ്യത്ത് നിന്ന് കൊണ്ടുവന്നതെന്നും എത്തിച്ചയാളെ അറസ്റ്റ് ചെയ്തിട്ടുണ്ടെന്നും കസ്റ്റംസ് ഡയറക്ടര് ജനറല് ജമാല് അല് ജലാവി അറിയിച്ചു. ഇവ കുവൈത്തിൽ നിന്ന് മറ്റൊരു സ്ഥലത്തേക്ക് അയക്കാന് ശ്രമിച്ചതോടെ കണ്ടെയ്നര് തുറന്നുപരിശോധിച്ചപ്പോഴാണ് മയക്കുമരുന്നുകൾ കണ്ടെത്തിയത്.
