അര്‍ച്ചനയ്‌ക്കും ജപത്തിനും ഉപയോഗിക്കുന്നവയാണ് ഭാഗ്യസൂക്തവും ശ്രീസൂക്തവും. ശിവനേയും വിഷ്ണുവിനേയും ഭാഗ്യസൂക്തം കൊണ്ട് പൂജിക്കാറുണ്ട്. എങ്കിലും ദുര്‍ഗാദേവിയെ പൂജിക്കാനാണ് ഇത് പ്രധാനമായും ഉപയോഗിക്കുന്നത്. ശ്രീസൂക്തം ജപിച്ച് ലക്ഷ്മീദേവിക്ക് അര്‍ച്ചന നടത്തിയാല്‍ സമ്പല്‍സമൃദ്ധിയുണ്ടാകും. ഇവ നിത്യേനജപിക്കുന്നത് ഐശ്വര്യദായകമാണ്. ദോഷശാന്തിക്കും ഈ സൂക്തങ്ങള്‍ ചൊല്ലുന്ന പതിവുണ്ട്. ഉത്തമനായ ഒരു ഗുരുവിന്റെ ഉപദേശമനുസരിച്ച് ഇഷ്ടമന്ത്രം തെരഞ്ഞെടുക്കാവുന്നതാണ്.
ശൈവാരാധനയ്‌ക്ക് അതിവിശിഷ്ടമാണ് രുദ്രസൂക്തം. ജലപാനത്തിനു മുമ്പും പകല്‍ സമയത്തും മാത്രമേ ഇത് ജപിക്കാവൂ. ജലം, ഘൃതം, ക്ഷീരം, തൈലം, ഇളനീര്‍ എന്നിവ കൊണ്ട് ശിവനു നടത്തുന്ന ധാരയില്‍ ഈ സൂക്തം ഉപയോഗിക്കുന്നു. ആയുസ്സ്, യശസ്സ്, സമ്പത്ത്, അഭീഷ്ടസിദ്ധി തുടങ്ങിയവയെല്ലാം രുദ്രുസൂക്തത്താല്‍ ലഭിക്കുമെന്നാണ് സങ്കല്പം.
