പാരിസ്: റാഫേല്‍ നദാല്‍ ഫ്രഞ്ച് ഓപ്പണ്‍ ചാ്മ്പ്യന്‍ഷിപ്പിന്റെ രണ്ടാം റൗണ്ടില്‍ കടന്നു. ആദ്യ റൗണ്ടില്‍ ജര്‍മനിയുടെ യാനിക് ഹാന്‍മാനെ നേരിട്ടുളള സെറ്റുകള്‍ക്ക് തോല്‍പ്പിച്ചു. സ്‌കോര്‍ 6-2, 6-1, 6-3.
മുന്‍ലോക ഒന്നാം നമ്പര്‍ കരോലിന വോസ്‌നിയാക്കി ആദ്യ റൗണ്ടില്‍ പുറത്ത്. റഷ്യന്‍ താരം വെറോണിക്ക കുഡര്‍മെറ്റോവയോട് മൂന്ന് സെറ്റ് നീണ്ട പോരാട്ടത്തില്‍ തോറ്റു. സ്‌കോര്‍: 0-6, 6-3, 6-3.
ആദ്യ സെറ്റ് പിടിച്ച കരോലിന അടുത്ത രണ്ട് സെറ്റും നഷ്ടപ്പെടുത്തി തോല്‍വി സമ്മതിക്കുകയായിരുന്നു. ലോക നാലാം നമ്പര്‍ കികി ബര്‍ട്ടന്‍സ് നേരിട്ടുള്ള സെറ്റുകള്‍ക്ക് ഫ്രഞ്ച് താരം പൗളീന്‍ പാര്‍മന്റിയറിനെ കീഴടക്കി. സ്‌കോര്‍: 6-3, 6-4. രണ്ടാം റൗണ്ടില്‍ സ്ലോവാക്യന്‍ താരം വിക്ടോറിയ കുസ്‌മോവയാണ് ബര്‍ട്ടന്‍സിന്റെ എതിരാളി.
മറ്റൊരു മത്സരത്തില്‍ ഓസ്‌ട്രേലിയന്‍ താരം ആഷ്‌ലി ബാര്‍ട്ടി അമേരിക്കയുടെ ജസീക്ക പെഗുലയെ കീഴടക്കി രണ്ടാം റൗണ്ടിലെത്തി. നേരിട്ടുള്ള സെറ്റുകള്‍ക്കായിരുന്നു ബാര്‍ട്ടിയുടെ ജയം. സ്‌കോര്‍: 3-6, 3-6.
