തിരുവനന്തപുരം: വിമാനയാത്രക്കാരന്റെ ശരീരത്തില് നിന്നും കുഴല് രൂപത്തിലുള്ള സ്വര്ണം പിടിച്ചെടുത്തു. ഒമ്പതുലക്ഷം രൂപയുടെ സ്വര്ണമാണ് കസ്റ്റംസ് ഉദ്യോഗസ്ഥര് പിടിച്ചെടുത്തത്.
ചൊവ്വാഴ്ച രാവിലെ ഷാര്ജയില് നിന്നുമെത്തിയ ഇന്ഡിഗോ വിമാനത്തിലെ യാത്രക്കാരനായ അഹമ്മദ് ചെംഗല എന്നയാളാണ് അറസ്റ്റിലായത്. 270 ഗ്രാം സ്വര്ണ്ണം കുഴമ്പു രൂപത്തിലാക്കിയശേഷം കുഴല് രൂപത്തിലാക്കി കറുത്ത പേപ്പര്കൊണ്ട് പൊതിഞ്ഞ് മലദ്വാരത്തില് ഒളിപ്പിച്ചാണ് ഇയാള് കടത്താന് ശ്രമിച്ചത്.
കസ്റ്റംസ് ഡെപ്യൂട്ടി കമ്മീഷണര് കൃഷ്ണേന്ദു മിന്റുവിന്റെ നേതൃത്വത്തില് സൂപ്രണ്ടുമാരായ ശ്രീകുമാര്, ബൈജു, ആന്സി ഇന്സ്പെക്ടര് ഷിബു എന്നിവരാണ് ഇയാളെ പിടികൂടിയത്.
