മനില: ഫിലിപ്പൈന്സിലെ വിമാനത്താവളത്തില് നിന്ന് സ്യൂട്ട്കേസില് പൊതിഞ്ഞ നിലയില് ആമകളെ കണ്ടെത്തി. മനില നിനോയ് അക്യുനോ അന്താരാഷ്ട്ര വിമാനത്താവളത്തില് നിന്നാണ് ഉപേക്ഷിച്ചനിലയില് 1500 ആമകളെ കസ്റ്റംസ് കണ്ടെത്തിയത്.
അപൂര്വ ഇനങ്ങളായ നക്ഷത്ര ആമകള്, റെഡ് ഫൂട്ടഡ്, സല്ക്കാട്ട, റെഡ് ഇയേഡ് എന്നീ ഇനങ്ങളെയാണ് കണ്ടെത്തിയത്. ഹോങ്കോങ്ങില് നിന്നെത്തിയ ഫിലിപ്പൈന്സുകാരനായ യാത്രക്കാരനാണ് വിമാനത്താവളത്തില് നിന്ന് പുറത്തേക്കുള്ള വഴിയില് ഇവയെ ഉപേക്ഷിച്ചതെന്നാണ് നിഗമനം.
ആപൂര്വയിനങ്ങളായ ഇവയ്ക്ക് ഉയര്ന്ന വിലയാണ് വിപണിയിലുള്ളത്. ഇതിനു പുറമേ ഏഷ്യന് രാജ്യങ്ങളില് ഇവയെ പരമ്പരാഗത മരുന്നുകള്ക്കും ഭക്ഷണത്തിന് വേണ്ടിയും ഉപയോഗിക്കുന്നുണ്ട്. മൃഗങ്ങളെ കടത്തുന്ന കുറ്റത്തിന് കര്ശന നിയമങ്ങളാണ് ഫിലിപ്പൈന്സിലുള്ളത്. പിടിക്കപ്പെട്ടാല് രണ്ട് വര്ഷത്തെ തടവും വന്തുക പിഴയുമടയ്ക്കണം.
