പെരുന്ന: എന്എസ്എസിനെതിരെ വീണ്ടും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. എന്എസ്എസ് കൊട്ടിയടച്ച വാതിലുകള് മുട്ടിവിളിച്ച് തുറക്കാനില്ല. മന്നത്ത് പത്മനാഭന്റെ പാതയാണോ എന്എസ്എസ് പിന്തുടരുന്നതെന്ന് ആലോചിക്കണമെന്നും കോടിയേരി പറഞ്ഞു.
വിശ്വാസികള്ക്കൊപ്പമല്ല ഇടതുപക്ഷമെന്ന പ്രചാരണം വിലപ്പോവില്ല. ശബരിമലയില് പോകുന്നവരില് ഭൂരിഭാഗവും ഇടതുപക്ഷക്കാരാണ്. ശബരിമലയില് പോയപ്പോള് കേട്ട ലാല് സലാം വിളി ചങ്ങനാശേരിയില് നിന്നല്ലെന്നും കോടിയേരി പെരുന്നയില് കേരള സംരക്ഷണയാത്രയില് പറഞ്ഞു. എന്എസ്എസിനെ ആക്രമിക്കുകയല്ല. സമുദായ നേതാക്കളോട് ശത്രുതയില്ല സൗഹൃദനിലപാടാമുള്ളത്.
എന്എസ്എസുമായി വിയോജിപ്പ് ശബരിമല യുവതീ പ്രവേശനത്തില് മാത്രമാണെന്നും കോടിയേരി പറഞ്ഞു. സുപ്രീംകോടതി എന്എസ്എസിന്റെ വാദം അംഗീകരിച്ചിട്ടില്ല. ഈ വിധിയോട് എന്എസ്എസിന് വിയോജിപ്പുണ്ട്. കോടിയേരി ഈ വിധിയോട് വിയോജിപ്പുള്ളതായി അറിയിക്കുകയും ചെയ്തിട്ടുള്ളതാണ്. ഇപ്പോള് സുപ്രീംകോടതിയുടെ വിധിയെ അനുകൂലിക്കുക മാത്രമേ സര്ക്കാരിന് സാധിക്കൂ.
വിശ്വാസം എന്എസ്എസിനെ രക്ഷിക്കട്ടെയെന്നും കോടിയേരി കൂട്ടിച്ചേര്ത്തു. അയോധ്യയില് രാമക്ഷേത്രം നിര്മ്മിക്കുന്ന എഐസിസി ജനറല് സെക്രട്ടറിയുടെ പ്രസ്താവനയെക്കുറിച്ച് ലീഗും കേരളത്തിലെ കോണ്ഗ്രസ് നേതാക്കളും നിലപാട് വ്യക്തമാക്കണമെന്നും കോടിയേരി ആവശ്യപ്പെട്ടു. ക്രൈസ്തവ സഭയെ നിയന്ത്രിക്കാന് ഒരു നിയമവും കൊണ്ട് വരാന് ഉദ്ദേശിക്കുന്നില്ല. ചര്ച്ച് ആക്ട് നിയമ പരിഷ്ക്കാര കമ്മിഷന്റെ അഭിപ്രായം മാത്രമാണെന്നും കോടിയേരി പറഞ്ഞു.
