ഗുവാഹത്തി: സൈന നെഹ്വാളിന് ദേശീയ സീനിയര് ബാഡ്മിന്റണ് വനിതാ കിരീടം. പുരുഷ വിഭാഗത്തില് സൗരഭ് വര്മ്മയ്ക്കാണ് കിരീടം. വനിതകളുടെ കലാശപ്പോരില് ഒന്നാം സീഡായ പി.വി സിന്ധുവിനെ നേരിട്ടുള്ള സെറ്റുകള്ക്ക് തോല്പ്പിച്ചാണ് സൈന ചാമ്പ്യനായത്. സ്കോര് 21-18, 21-15. ഇത് നാലാംതവണയാണ് സൈന കിരീടം ചൂടുന്നത്.
പുരുഷന്മാരുടെ കലാശപ്പോരാട്ടത്തില് സൗരഭ് വര്മ്മ നേരിട്ടുളള സെറ്റുകള്ക്ക് ഏഷ്യന് ജൂനിയര് ചാമ്പ്യനായ ലക്ഷ്യാ സെന്നിനെ പരാജയപ്പെടുത്തി. സ്കോര് 21-18, 21-13. ഇരുപത്തിയാറുകാരനായ സൗരഭ് വര്മ ഇത് മൂന്നാം തവണയാണ് ചാമ്പ്യനാകുന്നത്. നേരത്തെ 2011, 2017 വര്ഷങ്ങളില് കിരീടം നേടിയിട്ടുണ്ട്.
