തിരുവനന്തപുരം: മധ്യ-പടിഞ്ഞാറ്, മധ്യ- കിഴക്ക്, തെക്ക് ബംഗാള് ഉള്ക്കടലിലായി രൂപപ്പെട്ട ‘ഗജ’ ചുഴലിക്കാറ്റിന്റെ പ്രഭാവം മൂലം കേരളത്തിലും മഴയ്ക്ക് സാധ്യതയെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു.
ഇന്നു മുതല് കേരളത്തില് ഒന്നോ രണ്ടോ സ്ഥലങ്ങളില് ശക്തമോ അതിശക്തമോ ആയ മഴയ്ക്ക് സാധ്യതയുണ്ട്. ഇന്ന് കൊല്ലം, പത്തനംതിട്ട, ഇടുക്കി ജില്ലകളിലും നാളെ കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലും മഞ്ഞ അലര്ട്ടും ഇടുക്കി ജില്ലയില് ഓറഞ്ച് അലര്ട്ടും പുറപ്പെടുവിച്ചു.
