തിരുവനന്തപുരം: കേംബ്രിഡ്ജ് ഇന്റര്നാഷണലിന്റെ 2017-18ലെ കേംബ്രിഡ്ജ് ലേണര് അവാര്ഡിന് അര്ഹരായ 210 ഇന്ത്യന് വിദ്യാര്ഥികളില് ആറ് മലയാളികള്. തിരുവനന്തപുരം ലയ്കോള് ചെമ്പക ഇന്റര്നാഷണല് സ്കൂളിലെ നവീന് കിഷോര് കുമാര് (മാത്തമാറ്റിക്സ്), ട്രിവാന്ഡ്രം ഇന്റര്നാഷണല് സ്കൂളിലെ അഞ്ജലി നായര് (ബയോളജി), കൊച്ചി ജിപിഎസ് ഇന്റര്നാഷണല് സ്കൂളിലെ ജനനി ലക്ഷ്മി മഹാദേവന് (ഹിസ്റ്ററി), നവനീത രാജീവ് (സോഷ്യോളജി), നീന മാത്യു (ട്രാവല് ആന്ഡ് ടൂറിസം), കോഴിക്കോട് സദ്ഭാവന വേള്ഡ് സ്കൂളിലെ ലിന്ത സലീം (സാമ്പത്തികശാസ്ത്രം) എന്നിവര്ക്കാണ് പുരസ്കാരം.
നവീന് കിഷോര് കുമാര് ടോപ് ഇന് ദ വേള്ഡ് വിഭാഗത്തിലും അഞ്ജലി നായര്, ജനനി ലക്ഷ്മി മഹാദേവന്, ലിന്ത സലിം എന്നിവര് ടോപ് ഇന് ദ കണ്ട്രി വിഭാഗത്തിലും നവനീത രാജീവ്, നീന മാത്യു എന്നിവര് ഹൈ അച്ചീവ്മെന്റ് വിഭാഗത്തിലുമാണ് പുരസ്കാരം നേടിയത്. അടുത്ത വര്ഷം ആദ്യം നടക്കുന്ന അവാര്ഡ് ദാന ചടങ്ങില് വിജയികള്ക്കുള്ള സമ്മാനങ്ങള് വിതരണം ചെയ്യും.
