തിരുവനന്തപുരം : സംസ്ഥാനത്തെ കാര്‍ഷിക മേഖലയിലെ അടിസ്ഥാന സൗകര്യ വികസനത്തിന് കേന്ദ്രസര്‍ക്കാരിന്റെ രാഷ്‌ട്രീയ കൃഷി വികാസ് യോജന (ആര്‍കെവിവൈ)യില്‍ നിന്ന് 51.48 കോടി രൂപയുടെ പദ്ധതികള്‍ക്ക് അനുമതി ലഭിച്ചതായി കൃഷി മന്ത്രി അഡ്വ. വി.എസ് സുനില്‍ കുമാര്‍ അറിയിച്ചു. ഉല്‍പ്പാദന വര്‍ദ്ധനവും സുസ്ഥിര വികസനവുമാണ് ലക്ഷ്യം.
പ്രളയത്തില്‍ തകര്‍ന്നടിഞ്ഞ കേരളത്തിന്റെ കാര്‍ഷിക മേഖലയില്‍ ഫലപ്രദമായി ഇടപെടുന്നതിന് ആര്‍കെവിവൈ ഫണ്ട് ഉപയോഗിച്ചുള്ള വിവിധ പദ്ധതികള്‍ വഴി സാധിക്കും. ഇപ്പോള്‍ അനുവദിച്ചിരിക്കുന്ന തുകയ്‌ക്ക് പുറമേ, പ്രത്യേക ധനസഹായത്തിനായി വിശദമായ പദ്ധതി റിപ്പോര്‍ട്ട് തയ്യാറാക്കി കേന്ദ്ര കൃഷി മന്ത്രാലയത്തിന് സമര്‍പ്പിക്കുമെന്നും മന്ത്രി അഡ്വ. വി.എസ്. സുനില്‍ കുമാര്‍ വ്യക്തമാക്കി.
പ്രതികരിക്കാൻ ഇവിടെ എഴുതുക: