പത്തനംതിട്ട: ശബരിമലയിലെ യുവതീ പ്രവേശനം സംബന്ധിച്ച പ്രതിഷേധം ശക്തമാകുന്നതിനിടെ പമ്പയിലേക്ക് പോകാന് ശ്രമിച്ച രണ്ട് യുവതികളെ ഭക്തജനങ്ങള് തടഞ്ഞു. നിലയ്ക്കലില് നിന്ന് രാവിലെ 11ന് കെഎസ്ആര്ടിസി ബസ്സില് പമ്പയിലേക്ക് പോകാന് ശ്രമിച്ച യുവതികളെയാണ് തടഞ്ഞത്. കോട്ടയത്തു നിന്നെത്തിയ ജേര്ണലിസം വിദ്യാര്ത്ഥിനികളായിരുന്നു ഇവര്.
ബസില് പെണ്കുട്ടികളെ കണ്ടതോടെ സ്ത്രീകളുള്പ്പെടെയുള്ള ഭക്തര് ബസിനകത്തു കയറി ഇവരെ പുറത്തിറക്കുകയായിരുന്നു. കഴിഞ്ഞ എട്ടുദിവസമായി സ്ത്രീകളുടെ സംഘം പമ്പയിലേക്ക് പോകുന്ന ബസുകള് പരിശോധിച്ച് സ്ത്രീകളില്ല എന്നുറപ്പു വരുത്തിയ ശേഷം മാത്രമേ വാഹനങ്ങള് പമ്പയിലേക്ക് കടത്തിവിടുന്നുള്ളൂ. സുപ്രീംകോടതി വിധിയുടെ പശ്ചാത്തലത്തില് വിദ്യാര്ത്ഥിനികളെ ശബരിമല കയറ്റാന് എസ്എഫ്ഐ പദ്ധതി തയ്യാറാക്കുന്നത് സംബന്ധിച്ച വാര്ത്ത ജന്മഭൂമി റിപ്പോര്ട്ട് ചെയ്തിരുന്നു.
വിദ്യാര്ത്ഥിനികളെ മല കയറ്റാനൊരുങ്ങി എസ്എഫ്ഐ, മനംമാറ്റത്തിന് സെമിനാറുകള് ഉള്പ്പെടെ നടത്തി. ആലപ്പുഴ, തിരുവനന്തപുരം, കണ്ണൂര് ജില്ലകളിലെ ചില കോളേജുകളിലും എസ്എഫ്ഐ നിയന്ത്രിക്കുന്ന കോളേജ് യൂണിയനുകള് മുഖേനയുമായിരുന്നു ഇത്തരം നീക്കം നടത്തിയിരുന്നത് എന്നതാണ് വിവരം.
