ഇടുക്കി: തെക്കുപടിഞ്ഞാറന് മണ്സൂണില് ഇതുവരെ ബോര്ഡിന്റെ സംഭരണികളിലേക്ക് ഒഴുകിയെത്തിയത് 1809.794 കോടിയുടെ വൈദ്യുതി ഉല്പാദിപ്പിക്കാനാവശ്യമായ വെള്ളം. ഇന്നലെ രാവിലത്തെ കണക്ക് പ്രകാരം 4524.486 ദശലക്ഷം യൂണിറ്റ് വൈദ്യുതി ഉല്പാദിപ്പിക്കാനാവശ്യമായ വെള്ളമാണ് 62 ദിവസത്തിനിടെ ഒഴുകിയെത്തിയത്. ബോര്ഡ് വൈദ്യുതി വില്ക്കുന്നത് യൂണിറ്റിന് നാല് രൂപയ്ക്കാണ്. കോടികളുടെ വൈദ്യുതി ഉല്പാദിപ്പിക്കാനാവശ്യമായ വെള്ളം വിവിധ സംഭരണികളുടെ ഷട്ടറുകള് തുറന്ന് വിട്ടത് മൂലം നഷ്ടമായിട്ടുമുണ്ട്.
മഴ വര്ഷം ഇനിയും 303 ദിവസം കൂടി അവശേഷിക്കുമ്പോള് ഇത്രയും അധികം വെള്ളമെത്തുന്നത് ആദ്യമാണ്. 2017 ആഗസ്റ്റ് ഒന്നിന് ഇത് 1183.175 ദശലക്ഷം യൂണിറ്റായിരുന്നു. മുന് മഴവര്ഷം മെയ് 31 (2018ല്) വരെ 5815.448 ദശലക്ഷം യൂണിറ്റിനുള്ള വെള്ളമാണ് ഒഴുകിയെത്തിയത്. 2017ല് 3581.777 ദശലക്ഷം യൂണിറ്റിനുള്ള വെള്ളം ലഭിച്ചപ്പോള് 2014ല് ആയിരുന്നു ഏറ്റവും കൂടുതല്, 8977.638.
നിലവില് 92 ശതമാനം വെള്ളം സംഭരണികളിലാകെ അവശേഷിക്കുമ്പോള് 3821.347 ദശലക്ഷം യൂണിറ്റ് ഇതുപയോഗിച്ച് ഉല്പാദിപ്പിക്കാനാകും. 69 ശതമാനം വെള്ളമാണ് മണ്സൂണില് മാത്രം കൂടിയത്.
