കൊച്ചി: കലാലയ രാഷ്ട്രീയത്തിന്റെ പേരില് ഇനിയൊരു ജീവന് കൂടി നഷ്ടമാകരുതെന്ന് ഹൈക്കോടതി. കലാലയ രാഷ്ട്രീയം നിരോധിക്കണമെന്ന ഹര്ജി പരിഗണിക്കുന്നതിനിടെയാണ് ഹൈക്കോടതിയുടെ പരാമര്ശം. കലാലയം രാഷ്ട്രീയ പ്രവര്ത്തനങ്ങള്ക്ക് മാത്രമുള്ളതല്ലെന്നും ഹൈക്കോടതി വ്യക്തമാക്കി.
കലാലയങ്ങളിലും വിദ്യാലയങ്ങളിലും രാഷ്ട്രീയം വേണ്ടെന്ന ഹൈക്കോടതി ഉത്തരവ് കര്ശനമായി പാലിക്കാന് സംസ്ഥാന സര്ക്കാറിനും വിദ്യാഭ്യാസ വകുപ്പിനും ഡിജിപിക്കും നിര്ദേശം നല്കണമെന്നാവശ്യപ്പെട്ട് ചെങ്ങന്നൂര് സ്വദേശി എല്. എസ് അജോയി സമര്പ്പിച്ച ഹര്ജിയാണ് കോടതി പരിഗണിക്കുന്നത്.
മഹാരാജാസ് കോളജിലെ അഭിമന്യുവിന്റെ കൊലപാതകത്തിന്റെ പശ്ചാത്തലത്തിലാണ് ഹര്ജി. അഭിമന്യവിന്റെ കൊലപാതകം ഒറ്റപെട്ട സംഭവമാണെന്നും ക്യാമ്പസ് രാഷ്ട്രീയം നിരോധിക്കാനാവില്ലന്നായിരുന്നു സര്ക്കാര് നിലപാട്.
