കണ്ണൂര്: മുണ്ടയാട് ഇന്ഡോര് സ്റ്റേഡിയത്തില് ലോകോത്തര നിലവാരത്തിലുള്ള ഫിറ്റ്നസ് സെന്റര് ജൂലൈ ഒന്നിന് ഉദ്ഘാടനം ചെയ്യും. കായിക വകുപ്പ് മന്ത്രി എ.സി.മൊയ്തീന് ഉദ്ഘാടനം ചെയ്യുന്ന ചടങ്ങില് മിസ്റ്റര് യൂനിവേഴ്സ് സംഗ്രാം മുഖ്യാതിഥിയായിരിക്കുമെന്ന് സ്പോര്ട്സ് കൗണ്സില് പ്രസിഡന്റ് ഒ.കെ.വിനീഷ് പറഞ്ഞു. 1.15 കോടി രൂപ ചെലവഴിച്ചാണ് അത്യാധുനിക ഉപകരണങ്ങള് സ്ഥാപിച്ച ജിംനേഷ്യം യാഥാര്ത്ഥ്യമാക്കുന്നത്. കായികതാരങ്ങള്ക്കും പൊതുജനങ്ങള്ക്കും ഉപയോഗിക്കാന് പറ്റുന്ന വിധത്തില് പ്രവര്ത്തനസമയം ക്രമീകരിച്ചിട്ടുണ്ട്. പരിശീലകരുടെ മികച്ച സേവനവും ഇവിടെ ലഭ്യമാണ്. രാജ്യത്ത് തന്നെ ആദ്യമായാണ് ഇത്തരമൊരു സെന്റര് സ്ഥാപിച്ചിട്ടുള്ളതെന്ന് വിനീഷ് പറഞ്ഞു. ജിംനേഷ്യത്തില് ചേരാന് വരുന്നവര്ക്ക് നാമമാത്രമായ ഫീസ മാത്രമേ ഈടാക്കുകയുള്ളൂവെന്നതും സ്ഥാപനത്തിന്റെ പ്രത്യേകതയാണെന്ന് വിനീഷ് പറഞ്ഞു. ഞായറാഴ്ച വൈകീട്ട് 5ന് നടക്കുന്ന ചടങ്ങില് മന്ത്രി രാമചന്ദ്രന് കടന്നപ്പള്ളി അധ്യക്ഷതവഹിക്കും. എംപിമാര്, എംഎല്എമാര് തുടങ്ങിയ ജനപ്രതിനിധികളും സാമൂഹ്യ സാംസ്കാരിക രംഗത്തുള്ളവരും ചടങ്ങില് പങ്കെടുക്കും.
മുണ്ടയാട് അന്താരാഷ്ട്ര ജിംനേഷ്യം 1 ന് തുറക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.