ചെറുപുഴ: മലയോര മേഖലയുടെ വികസന പദ്ധതിയായ മലയോര ഹൈവേ ചെറുപുഴ ടൗണ് ജംഗ്ഷനിലും തേര്ത്തല്ലി ടൗണിലും വീതി കുറഞ്ഞതിനെതിരെ ആക്ഷേപം നിലനില്ക്കെ ഓട നിര്മ്മാണത്തിലും വ്യാപക പരാതിയുയരുന്നു പലയിടത്തും കരാറുകാര്ക്ക് തോന്നിയപോലെയാണ് ഓട നിര്മ്മിച്ചിരിക്കുന്നത്. ഇലക്ട്രിക്ക് പോസ്റ്റുകള് ഓടയ്ക്ക് നടുവില് നില്ക്കുന്നത് മാറ്റിയിട്ടില്ല. ചെറുപുഴ സെന്റ് ജോസഫ്സ് ഇംഗ്ലീഷ് മീഡിയം സ്ക്കൂളിന്റെ മതില് റോഡിലേക്ക് കയറ്റി പാര്ശ്വഭിത്തിക്ക് മുകളിലാണ് ഇപ്പോള് നിര്മ്മിച്ചിരിക്കുന്നത് ഇവിടെ ഓവുചാല് പണിയാന് പോലും സ്ഥലമില്ല. നിരന്തരം അപകടങ്ങളുണ്ടാകുന്ന ഇവിടെ വാഹനം നിര്ത്താന് പോലും സ്ഥലമില്ലാത്ത സ്ഥിതിയാണ്. സ്ക്കൂളധികൃതര്ക്ക് സൗകര്യങ്ങളൊരുക്കി ക്കൊടുത്ത കരാറുകാര് സാധാരണക്കാരന്റെ സ്ഥലത്തേയ്ക്ക് കയറി ഓട നിര്മ്മിക്കുന്നത് അനുവദിക്കില്ലെന്ന് സ്ഥലവാസികള് പരാതിപ്പെടുന്നു. എല്ലാവര്ക്കും ഒരേ നീതി ലഭ്യമാക്കണമെന്നും ചില സ്ഥലങ്ങളില് മാത്രം വീതിയെടുക്കുന്നത് അനുവദിക്കാനാവില്ലെന്നും അറിയിച്ചുകൊണ്ട് റോഡ് കമ്മറ്റിക്ക് പരാതി നല്കിയിരിക്കയാണ്.
മലയോര ഹൈവേ; ഓട നിര്മ്മാണത്തിലും വിവേചനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.