ചെന്നൈ: നക്ഷത്ര പെണ്‍വാണിഭ സംഘത്തിനു നേതൃത്വം നല്‍കിയ നടി അറസ്റ്റില്‍. തമിഴ് സീരിയല്‍ നടി സംഗീത ബാലന്‍ ഉള്‍പ്പെട്ട സംഘമാണ് പിടിയിലായത്.
രഹസ്യവിവരത്തിന്റെ അടിസ്ഥാനത്തില്‍ ചെന്നൈയിലെ റിസോര്‍ട്ടില്‍ പോലീസ് നടത്തിയ റെയ്ഡിലാണ് നടി പിടിയിലായത്. സംഘത്തില്‍ ഉള്‍പ്പെട്ട സതീഷ് എന്നയാളെയും പോലീസ് അറസ്റ്റ് ചെയ്തു. ഇവിടെനിന്നു മൂന്നു പെണ്‍കുട്ടികളെ പോലീസ് രക്ഷപ്പെടുത്തി. ഇവര്‍ മറ്റു സംസ്ഥാനങ്ങളില്‍നിന്നുള്ളവരാണ്.
സിനിമയിലും സീരിയലിലും അവസരങ്ങള്‍ വാഗ്ദാനം ചെയ്തു പെണ്‍കുട്ടികളെ കെണിയില്‍ വീഴ്‌ത്തിയായിരുന്നു സംഘത്തിന്റെ പ്രവര്‍ത്തനമെന്നു പോലീസ് അറിയിച്ചു. കൂടുതല്‍ നടീ-നടന്‍മാര്‍ സംഘവുമായി ബന്ധപ്പെട്ടു പ്രവര്‍ത്തിച്ചതായി പോലീസ് സംശയിക്കുന്നു. എഗ്മോര്‍ കോടതിയില്‍ ഹാജരാക്കിയ സംഗീതയെ റിമാന്‍ഡ് ചെയ്തു.
1996ല്‍ പുറത്തിറങ്ങിയ കറുപ്പ് റോജ എന്ന ചിത്രത്തില്‍ സംഗീത കേന്ദ്ര കഥാപാത്രത്തെ അവതരിപ്പിച്ചു. പിന്നീട് നിരവധി സിനിമകളില്‍ ചെറിയ വേഷങ്ങള്‍ കൈകാര്യം ചെയ്തു. വാണി റാണി എന്ന ടിവി സീരിയലിലൂടെയാണ് സംഗീത പ്രശസ്തി നേടുന്നത്. ഇതിനുപുറമേ ചെല്ലമേ അവള്‍, വല്ലി തുടങ്ങിയ ടിവി ഷോകളുടെയും ഭാഗമായി സംഗീത പ്രവര്‍ത്തിച്ചു.
