ന്യൂദല്ഹി: പശ്ചിമ ദല്ഹിയിലെ ആദര്ശ് നഗറിലെ മൂന്ന് നില കെട്ടിടത്തിലുണ്ടായ തീപിടത്തത്തില് രണ്ട് കുട്ടികള് മരിച്ചു. വെള്ളിയാഴ്ച രാത്രിയോടെയാണ് കെട്ടിടത്തില് തീപിടത്തമുണ്ടായത്.എട്ട് വയസുള്ള അഖാന്ഷയും സഹോദരന് സാത്രനുമാണ് തീപിടത്തത്തില് മരിച്ചത്.
സംഭവം നടന്ന ഉടന് തന്നെ ഫയര്ഫോഴ്സ് സ്ഥലത്തെത്തി. രണ്ട് മണിക്കൂര് നീണ്ട പരിശ്രമത്തിലൊടുവിലാണ് ഫയര്ഫോഴ്സിന് തീയണക്കാനായത്. കെട്ടിടത്തിലെ എ.സിയില് നിന്നാണ് തീപടര്ന്നതെന്നാണ് സൂചന.
കെട്ടിടത്തിന്റെ ഒന്നാംനിലയിലാണ് ആദ്യം തീപിടിത്തമുണ്ടായത്. പിന്നീട് രണ്ടാം നിലയിലേക്കും തീ വ്യാപിക്കുകയായിരുന്നുവെന്ന് ഫയര്ഫോഴ്സ് അറിയിച്ചു.
