ന്യൂദല്ഹി: കര്ണാടക തെരഞ്ഞെടുപ്പ് തീയതി കമ്മീഷന് പ്രഖ്യാപിക്കുംമുമ്പ് ചോര്ന്നെന്ന ആരോപണം ശരിയല്ലെന്ന് തെരഞ്ഞെടുപ്പു കമ്മീഷന് കണ്ടെത്തി. ബിജെപി ഐടി സെല് തീയതി നേരത്തേ അറിഞ്ഞെന്നും തെരഞ്ഞെടുപ്പു കമ്മീഷന്റെ വിശ്വാസ്യത ഇല്ലാതായെന്നുമായിരുന്നു മാധ്യമങ്ങളുടെ പ്രചാരണം. എന്നാല്, തീയതി സാമൂഹ്യ മാധ്യമങ്ങൡവന്നത് ഊഹിച്ചെഴുതിയതുമാത്രമാണെന്ന് കമ്മീഷന് പ്രസ്താവിച്ചു. മോദി സര്ക്കാരിനും ബിജെപിക്കും സംഘപരവാറിനുമെതിരേ നടത്തുന്ന കുപ്രചാരണങ്ങള് പലതും പൊളിഞ്ഞതില് ഏറ്റവും പുതുതാണിത്.
കര്ണാടക തെരഞ്ഞെടുപ്പ് തീയതി മാര്ച്ച് 27 ആയിരുന്നു. കമ്മീഷന് പത്രസമ്മേളനത്തില് ഈ ആക്ഷേപം ഉയര്ന്നപ്പോള്ത്തന്നെ മുഖ്യ തെരഞ്ഞെടുപ്പു കമ്മീഷണര് ഓം പ്രകാശ് റാവത്ത് നിഷേധിച്ചിരുന്നു. അസാധ്യം എന്ന് അദ്ദേഹം പ്രതികരിച്ചു. എങ്കിലും സംഭവത്തെക്കുറിച്ച് അന്വേഷിക്കാന് സമിതിയെ നിയോഗിക്കുകയായിരുന്നു.
ബിജെപി സൂപ്പര് തെരഞ്ഞെടുപ്പു കമ്മീഷനായെന്ന് കോണ്ഗ്രസ് വക്താവ് സുര്ജേവാല പ്രതികരിച്ചിരുന്നു. പാര്ട്ടി അധ്യക്ഷന് രാഹുല് ഗാന്ധിയും ചില മാധ്യമങ്ങളും തെരഞ്ഞെടുപ്പു കമ്മീഷന്റെ വിശ്വാസ്യതയില് ജനങ്ങള്ക്ക് സംശയമുണ്ടാക്കുന്ന പ്രചാരണം നടത്തിയിരുന്നു. അതെല്ലാം അടിസ്ഥാനമില്ലാത്തതാണെന്നാണ് അന്വേഷണ സമിതി റിപ്പോര്ട്ടില് വ്യക്തമാകുന്നത്.
സമിതി വിശദമായ അന്വേഷണങ്ങള് നടത്തി. കമ്മീഷന്റെ എല്ലാ നടപടിക്രമങ്ങളും കര്ശന സുരക്ഷിതത്വത്തില് തികച്ചും മാനദണ്ഡങ്ങള് പാലിച്ചായിരുന്നുവെന്ന് കണ്ടെത്തി, അന്വേഷണ സമിതി അദ്ധ്യക്ഷ മുതിര്ന്ന ഉപതെരഞ്ഞെുടപ്പു കമ്മീഷണര് ഉമേഷ് സിന്ഹ പറഞ്ഞു. നിലവിലുള്ള തെരഞ്ഞെടുപ്പ് തീയതി പ്രഖ്യാപന സംവിധാനം കുറ്റമറ്റതാണെന്നും അഭിപ്രായപ്പെട്ടു. അതേ സമയം, കമ്മീഷന് തീയതി പ്രഖ്യാപിക്കാന് പത്രസമ്മേളനം വിളിച്ചിരിക്കെ, ആ സമയത്ത് ഉൗഹാപോഹങ്ങളെ അടിസ്ഥാനമാക്കി, ടിവി ചാനലുകളും സാമൂഹ്യ മാദ്ധ്യമങ്ങളില് വ്യക്തികളും തീയതി പ്രഖ്യാപനങ്ങള് നടത്തുന്നത് ഒഴിവാക്കാവുന്നതായിരുന്നു, കൂടുതല് ഉത്തരവാദിത്തം കാണിക്കേണ്ടിയിരുന്നുവെന്ന് സമിതി പറഞ്ഞു.
ഒരു വിവരവും എങ്ങും ചോര്ന്നിട്ടില്ല. ചോര്ന്നെന്ന ആരോപണം തെറ്റാണ്. മാര്ച്ച് 27 ന് കാലത്ത് 11.06 നാണ് സാധ്യതാ ദിവസം പൊതു മാധ്യമത്തില് വന്നത്. ടിവി ചാനലില് ഫ്ളാഷ് വാര്ത്തയായി വന്നു. അത് പിന്നീട് ട്വീറ്റുകളായി പ്രചരിച്ചു. വോട്ടിങ് ദിവസം ശരിയായിരുന്നെങ്കിലും അതിലെ വോട്ടെണ്ണല് തീയതി തെറ്റായിരുന്നു, സമിതിയുടെ റിപ്പോര്ട്ടില് പറയുന്നു. മുമ്പും മാധ്യമങ്ങള് തെരഞ്ഞെടുപ്പുതീയതി പ്രവചിച്ചിട്ടുണ്ടെന്നും റിപ്പോര്ട്ട് ചൂണ്ടിക്കാട്ടുന്നു.
തീയതി തെരഞ്ഞെടുപ്പുകമ്മീഷന് പ്രഖ്യാപിക്കും മുമ്പേ ബിജെപി ഐടി സെല് തലവന് അമിത് മാളവ്യ ട്വീറ്റ് ചെയ്തെന്നായിരുന്നു വിവാദം. എന്നാല്, ചില മാധ്യമങ്ങള് പ്രവചിച്ചകാര്യം താന് ട്വീറ്റ് ചെയ്തതേ ഉള്ളുവെന്ന് മാളവ്യ അന്നേ പ്രതികരിച്ചിരുന്നു.
തെരഞ്ഞെടുപ്പ് കമ്മീഷന് ആസ്ഥാനത്ത് പത്രസമ്മേളനം 11 മണിക്കായിരുന്നു. 11.06 ന് മാളവ്യയുടെ ട്വീറ്റ് വന്നു. അതില് കര്ണ്ണാടക വോട്ടെടുപ്പ് മെയ് 12 നും വോട്ടെണ്ണല് 18 നും എന്നായിരുന്നു. പക്ഷേ വോട്ടെടുപ്പ് മെയ് 12 നും എണ്ണല് 15നും എന്നാണ് തെരഞ്ഞെടുപ്പ് കമ്മീഷന് പ്രഖ്യാപിച്ചത്.
