ചെന്നൈ: ഐപിഎല് വിരുദ്ധ സമരക്കാരെ വിമര്ശിച്ച് സൂപ്പര്സ്റ്റാര് രജനീകാന്ത്. കാവേരി നദീ ജല വിതരണവുമായി ബന്ധപ്പെട്ട് സുപ്രീം കോടതി അടുത്തിടെ പുറപ്പെടുവിച്ച ഉത്തരവിനെ തുടര്ന്നാണ് ഐപിഎല് മത്സങ്ങള്ക്കെതിരെ പ്രക്ഷോഭങ്ങള് ആരംഭിച്ചത്. എന്നാല് വിഷയത്തില് അക്രമമല്ല പരിഹാരമെന്ന് രജനീകാന്ത് ട്വീറ്റിലൂടെ പ്രതികരിച്ചു.
സമരക്കാര് പോലീസുകാരനെ ആക്രമിക്കുന്ന വീഡിയോ ഷെയര് ചെയ്തു കൊണ്ടായിരുന്നു രജനീകാന്തിന്റെ വിമര്ശനം. ഇത്തരം സമരങ്ങള് രാജ്യത്തിന് ഹാനി ഉണ്ടാക്കുമെന്നും പോലീസ് ഉദ്യോഗസ്ഥരെ അക്രമിക്കുന്നതുപോലുള്ള സംഭവങ്ങളില് കര്ശന നിയമങ്ങള് കൊണ്ടുവരണമെന്നും അദ്ദേഹം പറഞ്ഞു.
