പേട്ട : മെഡിക്കല് കോളേജ് ആശുപത്രി പരിസരത്ത് നടത്തുന്ന അനധികൃത അന്നദാനം പ്രശ്നമായിമാറുന്നു. സേവാഭാരതി, ശ്രേയ, ലൂര്ദ്ദ് മാതാ തുടങ്ങി അഞ്ചു സന്നദ്ധസംഘടനകള്ക്ക് മാത്രമാണ് ഇവിടെ അന്നദാനം നടത്താന് അംഗീകാരമുളളത്. എന്നാല് അനധികൃതമായി അന്നദാനം നടത്തുന്നവര്ക്ക് യാതൊരു നിയന്ത്രണവുമില്ലാതായി. അടുത്ത കാലത്ത് ഡിവൈഎഫ്ഐ അന്നദാനവുമായി രംഗത്ത് വന്നതോടെയാണ് ജനങ്ങളില് ഭീതിയുളവാക്കിയിരിക്കുന്നത്. പലയിടങ്ങളില് നിന്നായി ഭക്ഷണപ്പൊതികള് ശേഖരിച്ചാണ് ഇവര് വിതരണം നടത്തുന്നത്. ആയിരമോ രണ്ടായിരമോ പൊതിച്ചോറുകള് ഇവിടെയെത്തുമ്പോള് കൂട്ടത്തിലൊരുപൊതി എവിടെനിന്നുളളതാണെന്ന് ചോദിച്ചാല് വിതരണം ചെയ്യുന്നവര്ക്കറിയില്ല.
ആശുപത്രിക്കുളളില് പോതിച്ചോറ് കൊണ്ടുപോകാന് പാടില്ല. അന്നദാനം നടത്തുന്നവര് പാത്രങ്ങളില് ഭക്ഷണം നല്കണമെന്നാണ് ആശുപത്രി വ്യവസ്ഥ. എന്നാല് ഇവര് അത് പാലിക്കുന്നില്ല. പലരും പൊതിച്ചോര് വാങ്ങി ആശുപത്രിക്കുളളിലേ്ക്കാണ് കൊണ്ടുപോകുന്നത്. പൊതിച്ചോര് വിതരണത്തിലൂടെ ദിനംപ്രതി ഒരുലോഡ് മാലിന്യമാണ് രക്തബാങ്കിന് സമീപം കുന്നുകൂടുന്നത്. പോതിച്ചോറ് നല്കുന്ന സംഘടന ഭക്ഷണാവശിഷ്ടങ്ങള് നീക്കം ചെയ്യാതെയാണ് ഇവിടെ നിന്നു പോകുന്നത്. ആശുപത്രി അധികൃതര് ജീവനക്കാരെ നിയോഗിച്ചാണ് ഉപയോഗശേഷം വലിച്ചെറിയുന്ന ഭക്ഷണാവശിഷ്ടങ്ങള് നീക്കം ചെയ്യുന്നത്. ആശുപത്രി സൂപ്രണ്ടിന്റെ ഒത്താശയോടെയാണ് അനധികൃത അന്നദാനം നടത്തുന്നതെന്ന ആരോപണവും ശക്തമാണ്. ആതേസമയം അന്നദാനമെന്ന നിലയില് ആശുപത്രി നടയില് വിതരണം ചെയ്യുന്ന ഭക്ഷണസാധനങ്ങള് ആരോഗ്യവകുപ്പ് അധികൃതരുടെ സുരക്ഷാ പരിശോധനയ്ക്ക് ശേഷം വിതരണം നടത്തണമെന്ന ആവശ്യമാണ് ആശുപത്രിയിലെത്തുന്നവര് പറയുന്നത്. മാത്രവുമല്ല അംഗീകാരമില്ലാത്തവര്ക്ക് വിശദ പരിശോധനയ്ക്കു ശേഷം അംഗീകാരം നല്കണമെന്നും. പൊതികളിലെത്തുന്ന ഭക്ഷണം ആരോഗ്യ വകുപ്പ് ഉദ്യോഗസ്ഥര്ക്ക് തെരഞ്ഞ് പിടിച്ച് പരിശോധിക്കാന് കഴിയാത്ത സാഹചര്യത്തില് പൊതിച്ചോര് അന്നദാനം നിര്ത്തലാക്കണമെന്നുമുളള ആവശ്യവും ഉയര്ന്നിട്ടുണ്ട
