കട്ടപ്പന: ഭാരതീയ വിദ്യാനികേതന് ജില്ലാ കലോത്സവത്തിന് കട്ടപ്പനയില് തുടക്കമായി. അവസാനം വിവരം ലഭിക്കുമ്പോള് കട്ടപ്പന സരസ്വതി വിദ്യാപീഠം ആണ് മുന്നില്. തൊടുപുഴ സരസ്വതി വിദ്യാഭവന് സെന്ട്രല് സ്കൂളാണ് രണ്ടാമത്. 75 ഇനങ്ങള് പൂര്ത്തിയായപ്പോള് ശിശു(എല്പി), ബാല(യുപി), കിഷോര്(എച്ച്എസ്) വിഭാഗങ്ങളിലായി കട്ടപ്പന സരസ്വതി വിദ്യാപീഠം 519 പോയിന്റുമായി ഒന്നാമതത
ും തൊടുപുഴ സരസ്വതി വിദ്യാഭവന് 491 പോയിന്റുമായി രണ്ടാമതുമാണ്. 308 പോയിന്റുമായി കുടയത്തൂര് സരസ്വതി വിദ്യാനികേതനാണ് മൂന്നാമത്. പാറക്കടവ് സരസ്വതി വിദ്യാനികേതന് 176 പോയിന്റുമായി നാലാമതും ഉടുമ്പന്നൂര് സരസ്വതി വിദ്യാനികേതന് 157 പോയിന്റുമായി അഞ്ചാം സ്ഥാനത്തുമാണ്.
കട്ടപ്പന സരസ്വതി വിദ്യാപീഠം സ്കൂളില് വച്ച് നടക്കുന്ന ഭാരതീയ വിദ്യാനികേതന് ഇടുക്കി ജില്ലാ കലോത്സവത്തിന് 15 വിദ്യാലയങ്ങളില് നിന്നായി അഞ്ചൂറില് പരം വിദ്യാര്ത്ഥികളാണ് മാറ്റുരയ്ക്കുന്നത്. ഉദ്ഘാടന യോഗത്തില് ഭാരതീയ വിദ്യാനികേതന് ഇടുക്കി അദ്ധ്യക്ഷന് എം.കെ. തങ്കപ്പന് അദ്ധ്യക്ഷത വഹിച്ചു. കട്ടപ്പന നഗരസഭ ചെയര്മാന് അഡ്വ.മനോജ് എം. തോമസ് കലോത്സവം ഉത്ഘാടനം ചെയ്തു. ഇടുക്കി എംപി അഡ്വ.ജോയ്സ് ജോര്ജ് കലോത്സവ ലോഗോ ഡിസൈന് ചെയ്ത സരസ്വതി വിദ്യാപീഠം സ്കൂളിലെ വിദ്യാര്ത്ഥിയായ സിദ്ധാര്ത്ഥ് പി.എസിന് ഉപഹാരം നല്കി ആദരിച്ചു. ഭാരതീയ വിദ്യാനികേതന് കാര്യ
ദര്ശി എ.ജി രാധാകൃഷ്ണന് മുഖ്യപ്രഭാഷണം നടത്തി. എ.ജി. രാധാകൃഷ്ണന് സ്വാഗത സംഘം ചെയര്മാന് ശ്രീനഗരി രാജന് തുടങ്ങിയവര് യോഗത്തില് സംസാരിച്ചു. എട്ട് സ്റ്റേജുകളിലായാണ് മത്സരം നടക്കുന്നത്. 70 ഇനങ്ങളില് കൂടി മത്സരങ്ങള് പൂര്ത്തിയാകാനുണ്ട്
ഇന്ന് നടക്കുന്ന സമാപന സമ്മേളനം ഇടുക്കി എംഎല്എ റോഷി അഗസ്റ്റ്യന് ഉദ്ഘാടനം ചെയ്ത് വിജയികള്ക്ക് സമ്മാനങ്ങള് വിതരണം ചെയ്യും. നഗരസഭ ചെയര്മാന് മനോജ് എം. തോമസ് മുഖ്യ പ്രഭാഷണം നടത്തും.ജനറല് കണ്വീനര് ശ്രീജാമോള് എസ്സ്, ഭാരതീയ വിദ്യാനികേതന് ഉപാദ്ധ്യക്ഷന് റ്റി, കെ. ബാലകൃഷ്ണന് കലോത്സവ പ്രമുഖ് എം.കെ. സുരേന്ദ്രന് തുടങ്ങിയവര് യോഗത്തില് സംസാരിക്കും.
