തൊടുപുഴ: ഇടതുവലത് മുന്നണികള് തീവ്രവാദം പ്രോത്സാഹിപ്പിക്കുന്ന കാര്യത്തില് പരസ്പരം മത്സരിക്കുകയാണെന്നും കേവലം വോട്ടുബാങ്ക് മാത്രമാണ് ഇവരുടെ ലക്ഷ്യ എന്നും ഹിന്ദു ഐക്യവേദി സംസ്ഥാന സെക്രട്ടറി പി.വി. മുരളീധരന്. ഹിന്ദുഐക്യവേദി ഇടുക്കി ജില്ലാ സമിതിയുടെ ആഭിമുഖ്യത്തില് തൊടുപുഴ ഗാന്ധി സ്വകയറില് നടന്ന ജനജാഗ്രത സദസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കേരളത്തില് വളര്ന്ന് വരുന്ന ഐഎസ് ഭീകരപ്രവര്ത്തനങ്ങള്ക്കെതിരെയാണ് ഐക്യവേദി നേതൃത്വത്തില് പ്രതിഷേധയോഗം സംഘടിപ്പിച്ചത്. സിപിഎം കോട്ടയായ കണ്ണൂരില് നിന്നുമാണ് ഐഎസിലേയ്ക്ക് ഏറ്റവും അധികം റിക്രൂട്ട്മെന്റ് നടക്കുന്നതെന്ന് ഭരണകക്ഷിക്ക് സംഭവത്തിലുള്ള മൗനം വ്യക്തമാക്കുന്നതായും അദ്ദേഹം കുറ്റപ്പെടുത്തി.
ജില്ലാ പ്രസിഡന്റ് വി. എം. ബാലന് അദ്ധ്യക്ഷത വഹിച്ചു. രാഷ്ട്രീയ സ്വയം സേവക സംഘം വിഭാക് കാര്യവാഹക് പി.ആര്. ഹരിദാസ്, ബിജെപി ദേശീയ നിര്വ്വാഹക സമിതിയംഗം പി.പി. സാനു, എസ്എന്ഡിപി അഡ്മിനിട്രേറ്റര് അഡ്വ. എസ്. പ്രവീണ്, ചേരമര് സംഘം ജില്ലാ പ്രസിഡന്റ് രാജന് മക്കുപാറ, ഭരതര് മഹാസഭ സംസ്ഥാനകമ്മിറ്റിയംഗം കെ.പി. ഗോപി, മഹിളാ ഐക്യവേദി ജില്ലാ സമിതിയംഗം കെ. എന്. ഗീതാകുമാരി എന്നിവര് സംസാരിച്ചു.
