കൊച്ചി: കുട്ടികളില് നല്ല ശീലങ്ങള് വളര്ത്തിയെടുക്കുന്നതിന് ‘നല്ല ഭാവിക്കായി നല്ല ശീലങ്ങള്’ കാമ്പയിന് തുടക്കമായി. കൊച്ചി നഗരസഭ, ദേശീയ ആരോഗ്യദൗത്യം അമൃത ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസ് കമ്മ്യൂണിറ്റി വിഭാഗം, സെന്റ് അഗസ്റ്റിന്സ് സ്കൂള് എന്നിവരുടെ സംയുക്താഭിമുഖ്യത്തില് സംഘടിപ്പിച്ച പരിപാടി ഹൈബി ഈഡന് എംഎല്എ ഉദ്ഘാടനം ചെയ്തു. കൊച്ചിയില് നാലില് ഒരാള്ക്ക് പ്രമേഹ രോഗമുണ്ടെന്നാണ് കണക്ക്. കുഞ്ഞുനാള് മുതല് ശീലിക്കുന്ന ശാരീരിക നിഷ്ക്രിയത്വമാണ് വര്ദ്ധിച്ചുവരുന്ന പ്രമേഹരോഗനിരക്കിന് കാരണമെന്ന് അമൃത കമ്മ്യൂണിറ്റി മെഡിസിന് മേധാവി ഡോ എസ് അശ്വതി പറഞ്ഞു. ഈ പരിപാടിയുടെ ഭാഗമായി പച്ചക്കറികളും പഴവര്ഗങ്ങളും വീടുകളിലും സ്കൂളുകളിലും നട്ടു പിടിപ്പിക്കുന്നതും ഭക്ഷണത്തില് പഴവര്ഗങ്ങളുടെ ഉപഭോഗം വര്ദ്ധിപ്പിക്കുന്നതും പ്രോത്സാഹിപ്പിക്കുമെന്ന് ദേശീയ ആരോഗ്യദൗത്യം ജില്ലാ പ്രോഗ്രാം മാനേജര് ഡോ മാത്യൂസ് നമ്പേലി പറഞ്ഞു. പുകവലി, മയക്കുമരുന്നിന്റെ ഉപയോഗം എന്നിവക്കെതിരെ പ്രചരണം സംഘടിപ്പിക്കും. നഗരസഭ വികസനകാര്യ സ്റ്റാന്ഡിംഗ് കമ്മിറ്റി ചെയര്പേഴ്സണ് ഗ്രേസിജോസഫ്, കൗണ്സിലര് എം ജി അരിസ്റ്റോട്ടില്, അസോസിയേറ്റ് പ്രൊഫസര് ഡോ പി എസ് രാകേഷ്, കെ കെ അന്സമ്മ, എം കെ ഇസ്മയില്, ബിജു ജോയി, രതീഷ്കുമാര് എന്നിവര് പരിപാടിക്ക് നേതൃത്വം നല്കി.
നല്ല ഭാവിക്കായി നല്ല ശീലങ്ങള്’ പദ്ധതി തുടക്കമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.