പറവൂര്: പറവൂര് കനാല് റോഡില് താമസിക്കുന്ന അഭിഭാഷകനെ തട്ടിക്കൊണ്ടുപോയി ഭീഷണിപ്പെടുത്തി പ്രമാണം എഴുതിവാങ്ങിയെന്ന് പരാതി. പ്രദീപ് കുമാറിനെയാണ് ഇന്നലെ രാവിലെ നാലുപേര് അടങ്ങുന്ന ഗുണ്ടാസംഘം തട്ടിക്കൊണ്ടുപോയി പ്രമാണം എഴുതി വാങ്ങിയത്. അഭിഭാഷകന് പറയുന്നത്: രാവിലെ കനാല് റോഡിലൂടെ നടന്നു വരികയായിരുന്ന തന്നെ നാല് പേര് അടങ്ങുന്ന ക്വട്ടേഷന് സംഘം തന്നെ ബലമായി പിടിച്ചുവലിച്ച് കാറില് കയറ്റി തട്ടിക്കൊണ്ടുപോകുകയായിരുന്നു. കാറില് വച്ച് കാലുകളും കൈകളും ബന്ധിച്ച് വായില് തുണി തിരുകി വടക്കേക്കര അണ്ടിപ്പിള്ളിക്കാവിലുള്ള ഒരു വീട്ടില് കൊണ്ടുപോയി മര്ദ്ദിച്ചുവെന്ന് പരാതിയില് പറയുന്നു. ഒരു കേസിലെ എതിര് കക്ഷിക്ക് പ്രദീപ് കുമാറിന്റെ കക്ഷിയെ കൊണ്ട് പ്രമാണം രജിസ്റ്റര് ചെയ്ത് നല്കണമെന്നായിരുന്നു ഗുണ്ടാസംഘത്തിന്റെ ആവശ്യം. അതിനുള്ള രേഖകള് തങ്ങള് തയ്യാറാക്കിയിട്ടുണ്ടെന്നും പറവൂര് രജിസ്റ്റര് ഓഫീസിലെത്തി ഉടന് ഒപ്പിട്ടുകൊടുക്കണമെന്ന് പറഞ്ഞാണ് മര്ദ്ദിച്ചതെന്നും പറയുന്നു. പ്രമാണം രജിസ്റ്റര് ചെയ്തുവെന്ന് ഉറപ്പ് വരുത്തിയശേഷം നാലു മണിയോടെ അണ്ടിപ്പിള്ളിക്കാവ് റോഡില് ഇറക്കിവിട്ടു. അഭിഭാഷകനെ പറവൂര് താലൂക്കാശുപത്രിയില് ചികിത്സയിലാണ്.പറവൂര് പോലീസ് അന്വേഷണം ആരംഭിച്ചിട്ടുണ്ട്.
അഭിഭാഷകനെ ഭീഷണിപ്പെടുത്തി പ്രമാണം എഴുതിവാങ്ങി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.