പള്ളുരുത്തി: തുടര്ച്ചയായ അവധി ദിനങ്ങള് മറയാക്കി പള്ളുരുത്തിയില് അനധികൃതമായി പാടശേഖരം നികത്തുന്നു. പള്ളുരുത്തി എസ് എന് ജങ്ഷന് ഇന്ദിരാഗാന്ധി റോഡിനു സമീപത്തെ രണ്ടേക്കറോളം വരുന്ന ആനന്ദശ്ശേരി പാടശേഖരമാണ് അധികൃതരുടെ ഒത്താശയോടെ പൂഴിയടിച്ചു നികത്തുന്നത്. ഇടുങ്ങിയ വാട്ടര്ലാന്റ് റോഡിലൂടെ രാപ്പകലില്ലാതെ ടിപ്പറുകള് പായുന്നതും നാട്ടുകാര്ക്ക് ദുരിതമായി മാറുകയാണ്. റിയല്എസ്റ്റേറ്റ് മാഫിയകളുടെ ഇടപെടല് മൂലം ഉദ്യോഗസ്ഥര് അനങ്ങാപ്പാറ നയം സ്വീകരിക്കുകയാണെന്നും ആക്ഷേപമുയരുന്നുണ്ട്.
പാടശേഖരത്തിന്റെ ഒരു ഭാഗത്ത് അപൂര്വ്വയിനം കണ്ടല്ച്ചെടികളും തഴച്ചുവളരുന്നുണ്ട്. കനത്തവെള്ളക്കെട്ടു മൂലം ദുരിതമനുഭവിക്കുന്ന പ്രദേശത്തെ അവശേഷിക്കുന്ന പാടശേഖരം നികത്തുന്നത് തടയണമെന്ന് പരിസ്ഥിതി പ്രവര്ത്തകര് ആവശ്യപ്പെടുന്നു. സംഭവത്തില് അടിയന്തിര ഇടപെടല് വേണമെന്ന് ആവശ്യപ്പെട്ട് പരിസ്ഥിതി സാമൂഹ്യ പ്രവര്ത്തകന് വി.ഡി. മജീന്ദ്രന് റവന്യൂ മന്ത്രിക്ക് പരാതി നല്കി.
